ەلباسى قازاقستان حالقىنىڭ جاڭاجىلدىق تىلەكتەرى تۋرالى ايتتى

«مەن اۋىلدا تۋىپ ءوستىم. بالالىق شاعىمىزدا ءبىزدىڭ اۋىلدا شىرشا دەگەن بولعان ەمەس. جاڭا جىلدا ءبىر عالامات توسىن سىيدى كۇتۋ دەگەن بولماعان. ءبىراق بۇل كەزدە بارشاعا ورتاق قۋانىش سەزىمى بايقالادى. جاڭا جىلدى بارشاسى كۇتەدى. مەنىڭ ويىمشا، وتكەن جىلى، ياعني 2017 -جىلدىڭ قارساڭىندا بارلىق قازاقستاندىقتار ءبىرىنشى كەزەكتە وتباسىنىڭ اماندىعىن، بالا-شاعاسىنىڭ ساۋلىعىن، تابىستى بولۋىن، ەلدىڭ تىنىشتىعىن، تۇراقتىلىقتى تىلەدى. وسى ورايدا ولاردىڭ ارماندارى مەن تىلەكتەرى جىلدىڭ سوڭىندا جۇزەگە استى دەپ ويلايمىن»، - دەدى پرەزيدەنت وتاندىق ب ا ق وكىلدەرىنە بەرگەن سۇحباتىندا.

مەملەكەت باسشىسى الداعى جىلى دا قازاقستان حالقى وسى تىلەكتەردى تىلەيتىنىن ايتتى.

سونىمەن قاتار، ن. نازاربايەۆ بۇگىندە جۇمىسقا تۇرا الماعان، تابىسى تومەن نەمەسە دەنساۋلىق جاعدايى ناشار ادامدارى بار وتباسىلارعا اۋىر سالماق ءتۇسىپ جاتقانىن، بۇل رەتتە حالىق بولىپ بۇل ادامدارعا قولداۋ ءبىلدىرۋ قاجەتتىگىن اتاپ ءوتتى.

«قازاقستان حالقى ەلدەگى تىنىشتىق، ەتنيكاارالىق كەلىسىم، ءدىني سەنىم بوستاندىعى، وتباسىداعى اماندىقتىڭ ساقتالعانىن تىلەيدى. وسى نيەتتەر مەن ارمانداردىڭ بارلىعى ورىندالا بەرگەنىن قالايمىن. سوندىقتان دا قازاقستاندا وسىلاي بولۋى ءۇشىن بار كۇش-جىگەرىمدى سالىپ جۇمىس ىستەيمىن»، - دەپ اتاپ ءوتتى پرەزيدەنت.