نۇرسۇلتان نازاربايەۆ رەسەيدە وتەتىن پرەزيدەنتتىك سايلاۋعا قاتىستى پىكىر ءبىلدىردى
ەلباسى رەسەي قازاقستاننىڭ جاقىن كورشىسى ەكەنىنە، ەكى ەلدىڭ اراسىندا تىعىز بايلانىستار ورناعانىنا توقتالا كەلە: «سوندىقتان دا وسى قارىم-قاتىناستاردى ساقتاۋعا مۇددەلىمىز. وسى ورايدا بۇل جاقىن بايلانىستاردى ەسكەرە وتىرىپ، رەسەيلىك ارىپتەستەرمەن ءوزارا كەڭەس بەرىپ نەمەسە كەڭەس الىپ جۇرەتىن كەزدەر بولادى. ياعني، ورتاق ماقساتتارعا قاتىستى شەشىم شىعارامىز»، - دەدى.
سونىمەن قاتار، مەملەكەت باسشىسى رف پرەزيدەنتى ۆلاديمير پۋتيننىڭ 2018-جىلى جاڭا پرەزيدەنتتىك مەرزىمگە سايلاۋعا تۇسۋىنە قاتىستى پىكىر ءبىلدىردى.
«بۇل قالىپتى سايلاۋ پروتسەسى. ۆلاديمير پۋتين ر ف پرەزيدەنتى سايلاۋىنا قاتىساتىندىعىن جاريالادى. مەن وعان ساتتىلىك تىلەيمىن. بارلىق مالىمەتتەر بويىنشا ول جەڭىسكە ۇمىتكەر دەپ سانايمىن جانە بۇل دۇرىس. قازىرگى قيىن كەزەڭدە، ياعني رەسەي وسىنداي قىسىمعا ءتۇسىپ جاتقان ۋاقىتتا پۋتين مەملەكەت قايراتكەرى ءارى پرەزيدەنت رەتىندە وسىنىڭ بارلىعىنا توتەپ بەرۋدە، سونداي- اق حالقىن العا جەتەلەپ كەلەدى»، - دەدى نۇرسۇلتان نازاربايەۆ.
ەسكە سالا كەتسەك، ۆلاديمير پۋتيننىڭ وكىلەتتىك مەرزىمى 2018-جىلى اياقتالادى.
ايتا كەتەيىك، 22- جەلتوقسان كۇنى ەلباسى نۇرسۇلتان نازاربايەۆ ەلىمىزدەگى جەتەكشى ب ا ق وكىلدەرىنە 2017-جىلدى قورىتىندىلاۋعا ارنالعان سۇحبات بەردى. وندا قازاق قوعامىنداعى ەلەۋلى وزگەرىستەر مەن وزەكتى ماسەلەلەر تۋرالى جۋرناليستەر سۇراعىنا جاۋاپ بەردى. اتالمىش سۇحباتتىڭ تەليەۆيزيالىق نۇسقاسى 25- جەلتوقساندا رەسپۋبليكالىق تەلەارنالاردىڭ ەفيرىنەن كورسەتىلدى.
