ەلباسى: قازاقستاندىقتار امەريكالىقتارداي بيرجامەن جۇمىس ىستەۋدى ۇيرەنۋى كەرەك
وتاندىق ب ا ق وكىلدەرىمەن كەزدەسۋ وتكىزگەن مەملەكەت باسشىسى نۇرسۇلتان نازاربايەۆ وسىلاي دەپ پىكىر ءبىلدىردى، دەپ حابارلايدى «قازاقپارات» ح ا ا ءتىلشىسى.
«مۇندا استانا قارجى ورتالىعى (ەكسپو اۋماعىندا - اۆت.) قۇرىلادى. قازاقستاندىقتار قازىر بيرجامەن جۇمىس ىستەۋدى بىلمەيدى. اكسيامەن جۇمىس جۇرگىزۋدەن حابارسىز. امەريكا حالقىنىڭ 70 پايىزى اكسيا ارقىلى قوسىمشا اقشا تاۋىپ، اكسيالاردىڭ باعاسىن باقىلاپ وتىر. سوندىقتان، ءبىز دە قازاقستاندىقتاردى اكسياعا اقشا سالىپ، كومپانيالاردىڭ قالاي جۇمىس ىستەيتىنىن باقىلاۋدى، ديۆيدەندتەردى الىپ، وسى ارقىلى بايۋدى ۇيرەتەمىز»، - دەيدى قازاقستان پرەزيدەنتى.
مەملەكەت باسشىسى، سونىمەن بىرگە، ەكسپو اۋماعىندا جاسىل تەحنولوگيالاردى تاراتۋ ورتالىعى اشىلىپ، كومپانيالاردىڭ وندىرىستىك ستارتاپى جۇمىسقا كىرىسەتىنىن اتاپ ءوتتى. ەكسپو اۋماعىندا ІТ- تەحنولوگتار ەڭبەكتەنەدى.
«مەن بۇل كۇندە باس سۋديانى دا بەكىتىپ قويدىم. سەبەبى، مۇندا اعىلشىن جۇيەسىندەگى سوت جۇمىس ىستەپ، اعىلشىن سۋديالارى ەڭبەك ەتەتىن بولادى. ەڭ باستىسى - سەنىم كەرەك. كەلىسپەۋشىلىكتەر قايدا شەشىلىپ، شەتەلدىك كومپانيالار قالايشا اقشا قۇيا الادى؟ ول ءۇشىن زاڭنىڭ قۇزىرەتتىلىگى كەرەك. دەمەك، بۇنىڭ بارلىعى جۇمىس اتقاراتىن بولادى. ينفراقۇرىلىم مەن يندۋسترياليزاتسياعا نە ءۇشىن اقشا سالىپ جاتىرمىز؟ ويتكەنى، بيرجالىق تاۋارلاردىڭ باعاسى وتە تەز ءوسىپ بارادى. ال بۇل ۋاقىتتا وتىرا بەرسەك، مۇلدە اقشاسىز، زەينەتاقىسىز، ايلىقسىز قالامىز. بارلىعى دا قولىمىزدان كەلەتىن دەڭگەيدە، باعدارلاما شەڭبەرىندە جۇزەگە اساتىن بولادى»، - دەيدى ەلباسى «استانا» قارجى ورتالىعى تۋراسىندا.
ەسكە سالا كەتسەك، 22- جەلتوقسان كۇنى ەلباسى نۇرسۇلتان نازاربايەۆ ەلىمىزدەگى جەتەكشى ب ا ق وكىلدەرىنە 2017-جىلدى قورىتىندىلاۋعا ارنالعان سۇحبات بەردى. وندا قازاق قوعامىنداعى ەلەۋلى وزگەرىستەر مەن وزەكتى ماسەلەلەر تۋرالى جۋرناليستەر سۇراعىنا جاۋاپ بەردى. اتالمىش سۇحباتتىڭ تەليەۆيزيالىق نۇسقاسى رەسپۋبليكالىق تەلەارنالاردىڭ ەفيرىنەن كورسەتىلدى.
