استانادا اياز اتانى ۇيگە شاقىرۋ قانشا تۇرادى

ايتا كەتەرلىگى، 1show.kz event-اگەنتتىگى ساراپشىلارى وتكەن جىلى مۇنداي شاقىرتۋلار الدىڭعى جىلمەن سالىستىرعاندا ءبىر جارىم ەسەگە ازايىپ كەتكەنىن ايتادى. بيىلعى جىلى تاعى «قۇلاپ بارادى» ەكەن. اياز اتا مەن اقشا قاردى شاقىرۋدىڭ باعاسى بۇرىنعىداي - 25-30 مىڭ تەڭگە ارالىعىندا قالعان. وسى باعاعا جاڭا جىلدىڭ كەيىپكەرلەرى كەلىپ، 30 مينۋتتىق باعدارلاما بويىنشا بالالارمەن ويىن وتكىزىپ، ولاردىڭ كوڭىلىن كوتەرەدى.

«قازاقپارات» ح ا ا تىلشىسىنە شاعىن سۇحبات بەرگەن «استانا كارناۆال» اگەنتتىگىنىڭ مەنەدجەرى اسىلتاس دىلدەبايەۆانىڭ (ءوزى دە اقشا قار بولىپ وينايدى) ايتۋىنا قاراعاندا، اگەنتتىك بالالارعا ارناپ 35 باعدارلاما ازىرلەگەن. قوسىمشا انيماتورلار ءۇشىن تاعى 15 مىڭ تەڭگە تولەۋ كەرەك. كوپ جاعدايدا، ديسنەيدىڭ «سۋىق جۇرەك» (حولودنوە سەردتسە) مۋلتفيلمىندەگى ەلزا مەن انناعا شاقىرتۋلار تۇسەدى. اگەنتتىكتەن اتاپ وتكەندەي، ەلزا مەن اننا جاڭا جىلدىڭ كەيىپكەرلەرى بولماسا دا، ولارعا دەگەن سۇرانىس جوعارى. جاڭا جىلدىڭ كەيىپكەرلەرىنە دەگەن تالاپ قاتاڭ -ارتىستەر شەبەر ءارى داۋىستارى مۋلتفيلمنىڭ كەيىپكەرلەرىندەي بولۋى كەرەك.

«بالالار اياز اتا مەن اقشا قار قالسىن دەپ جىلايتىن كەزدەرى دە بولادى. ال جاڭا جىلدىڭ كەيىپكەرلەرىن كورگەن اتا-انالاردىڭ ءوزى دە كەيدە بىزبەن بالاشا ويناپ كەتەدى. مەن كەيدە ءبىزدىڭ كەلگەنىمىزگە بالالاردان گورى ۇلكەندەر قاتتى قۋانا ما دەپ قالام. كەيدە مەيرامحاناداعى جاڭا جىلدىق كەشتەرگە دە شاقىرىلامىز»، - دەيدى اسىلتاس دىلدەبايەۆا.

ارتىستەر اتا-انالاردىڭ بالالارىنا نە سىيلىق سىيلايتىنىن كوپ جاعدايدا بىلمەيدى ەكەن. ءبىراق، كەيدە ءۇي جانۋارلارىن سىيلايتىنداي قىزىقتار دا بولىپ جاتادى. كەيبىر اگەنتتىكتەر ارتىستەردى شاقىرماي-اق، قاجەتتى كيىمدەر مەن اتريبۋتتاردى الىپ، مەرەكەنىڭ اتا-انالاردىڭ وزدەرىنە ۇيىمداستىرۋعا كەڭەس بەرەدى.

اۆتور: ايان بەكەن ۇلى