ءوز ءيتىن اتىپ تاستاعان جىگىت جاۋاپقا تارتىلدى

الەۋمەتتىك جەلىلەردە تاراعان ۆيدەودا، بەلگىسىز جىگىت ءۇيىنىڭ اۋلاسىندا ءتورت اياقتى دوسىن قاتىگەزدىكپەن اتىپ ولتىرگەنى كورسەتىلەدى. ەش شىمىرىكپەستەن ءۇي جانۋارىن ولتىرگەن جىگىتتىڭ ۆيدەوسى قوعامدا نارازىلىق تۋدىردى. وسىعان بايلانىستى، جەرگىلىكتى ءى ءى ب تەكسەرۋ جۇمىستارىن جۇرگىزگەن بولاتىن.

انىقتالعانداي، اتىشۋلى ۆيدەو وسى جىلدىڭ قىركۇيەك ايىندا جالال-اباد وبلىسى، سوزاق اۋدانىندا ءتۇسىرىلىپتى. 1997 -جىلعى ا. ش ءتارتىپ ساقشىلارىنا بەرگەن تۇسىنىكتەمەسىندە، الاباي تۇقىمدى ءيتىنىڭ اۋرۋ بولعانىن، تاۋىقتاردى قىرىپ، ادامداردى قاپقانىن ايتىپ اقتالعان.

ال ءيتتى اتىپ ولتىرگەن «ۆەپر» مىلتىعى جىگىتتىڭ اكەسىنە تيەسىلى بولىپ شىقتى.

اتالعان فاكت نەگىزىندە جيناقتالعان قۇجاتتارعا سايكەس، 1997 -جىلعى ازاماتتىڭ ۇستىنەن قىلمىستىق ءىس قوزعالدى. قازىر تەرگەۋ جۇمىستارى ءجۇرىپ جاتىر.