بۇگىن - فاريزا وڭعارسىنوۆانىڭ تۋعان كۇنى
ءتىرى بولعاندا پوەزيا پاتشايىمى 78 جاسقا تولار ەدى.
فاريزا وڭعارسىنوۆا 1939-جىلى اتىراۋ وبلىسىندا تۋعان. 1961-جىلى اتىراۋ مەملەكەتتىك پەداگوگيكا ينستيتۋتىن ءبىتىرىپ، ەڭبەك جولىن اۋىلدىق مەكتەپتە مۇعالىم بولىپ باستاعان.
1966-1969-جىلدارى - «كوممۋنيستىك ەڭبەك» وبلىستىق گازەتىنىڭ ادەبي قىزمەتكەرى، 1969-1977-جىلدارى - «لەنينشىل جاس» («جاس الاش») گازەتىنىڭ اتىراۋ، اقتوبە، ورال وبلىستارى بويىنشا مەنشىكتى ءتىلشىسى، «قازاقستان پيونەرى» گازەتىنىڭ رەداكتورى بولعان. 1978-جىلى - «پيونەر» جۋرنالىنىڭ باس رەداكتورى بولىپ تاعايىندالعان.
العاشقى كىتابى «ساندۋعاش» 1967-جىلى جارىق كورگەن. ودان بولەك، «مەلوديا»، «بەسپوكوينايا پورا»، «گوردوە پوكولەنيە»، «كوگەرشىندەرىم»، «تريەۆوگي»، «وجيدانيە سولنتسا»، «وزارەنيە» جىر جيناقتارىن، «بيىكتىك» وچەركتەر جيناقتارىن شىعارىپ، «ءبىزدىڭ كامشات» پوۆەسىن، ءا. تاجىبايەۆ، م. ماقاتايەۆ، چيلي اقىنى پابلو نەرۋدىڭ شىعارماشىلىقتارى تۋرالى ادەبي-سىن ماقالالار جازعان. س. ۆانگەليدىڭ «پريكليۋچەنيا گۋگۋتسە»، «دەدۋشكين مينيستر» بالالارعا ارنالعان پوۆەستەرىن، س. كاپۋتيكياننىڭ، ە. ەۆتۋشەنكونىڭ، ر. كازاكوۆانىڭ، اراب اقىنى ءابدۋراحمان ءال-ءحاميسيدىڭ ولەڭدەرىن، پ. نەرۋدىڭ كىتاپتارىن قازاقشا اۋدارعان.
اقىننىڭ كوپتەگەن شىعارمالارى شەت تىلدەرگە اۋدارىلعان. قازاقستان رەسپۋبليكاسى پارلامەنتى ءماجىلىسىنىڭ ءبىرىنشى جانە ەكىنشى شاقىرىلىمىنىڭ دەپۋتاتى. «قۇرمەت بەلگىسى»، «پاراسات» وردەندەرىمەن، مەدالدارمەن ماراپاتتالعان.
201 -جىلى اقىن 75 جاسقا قاراعان شاعىندا قايتىس بولدى.
اۆتور: ايجان سەرىكجان قىزى
