تورەعالي تورەالى كەشىرىم سۇرادى

ايتا كەتەيىك، الەۋمەتتىك جەلىدە ءانشىنىڭ 21 - جەلتوقسان كۇنى پاۆلودار قالاسىندا وتكەن «ايحاي 25» اتتى كونسەرتىندە كورەرمەندەرگە دورەكى سويلەگەنى تۋرالى بەينەماتەريال تاراپ كەتكەن بولاتىن.

تورەعالي تورەالى ينستاگرام الەۋمەتتىك جەلىسىندە وسى وقيعاعا بايلانىستى پىكىر ءبىلدىردى.

«پاۆلودارداعى كەشكە كەلگەن كورەرمەندەر كونسەرتتىڭ ۇستىندە مەنىمەن سۋرەتكە تۇسە باستادى. سول كەزدە بالكوندا وتىرعان ءبىر اعانىڭ «سۋرەتكە ءتۇسۋدى توقتات!» دەگەن داۋىسى شىقتى. مەن ءمان بەرگەن جوقپىن. ەكىنشى رەت انسۇيەر قاۋىم گۇل بەرىپ، سۋرەتكە ءتۇسىپ جاتقان كەزدە سول كىسى «ءان كەشىڭ نە بولىپ كەتتى، توقتات!» دەپ تاعى ايقايلادى. وعان دا ۇندەگەن جوقپىن. ءۇشىنشى رەت « قىزىلوردانى ۇياتقا قالدىرىپ ءجۇرسىڭ!» دەگەن ءسوزى جىگىتتىك نامىسىما ءتيىپ كەتتى. كونسەرتىمنىڭ شىرقىن بۇزدى. ايتقان بىلاپىت سوزدەرىنە جاۋاپ بەرمەي، كونسەرتتەن كەتۋىن ءوتىندىم» ، - دەدى ءانشى.

ءانشىنىڭ ايتۋىنشا، ونى قارالاۋ ماقساتىندا جاريالانعان ۆيدەودا تورەعالي تورەالىنى بالاعاتتاعان سوزدەر تۇسىرىلمەگەن.

«مەن ونەرىمدى تاماشالاۋعا كەلگەن حالىقتى قۋىپ شىعاتىن ارەكەتكە بارمايمىن. حالقىما ايانباي قىزمەت ەتۋگە دايىنمىن. قىزۋقاندى بولعاندىقتان، اشۋعا بوي الدىرىپ قوياتىنىمدى جاسىرمايمىن. حالقىمنان بيىك ەمەسپىن، سوندىقتان سىزدەردەن كەشىرىم وتىنەمىن. ول كىسىنى كورسەم، مىندەتتى تۇردە كەشىرىم سۇرايمىن» ، - دەدى تورەعالي تورەالى.