چەرچيللدەن ديماشقا دەيىن: يت جىلى تۋعان تۇلعالار

ۇلتىمىز كيە تۇتاتىن جەتى قازىنانىڭ دا ءبىرى - يت. بەرەكە- بىرلىگى مول يت جىلى قازاققا اقىندى دا، باتىردى دا سىيلادى. كەلە جاتقان جاڭا جىلدا دا بارشا حالىققا بىرلىك پەن تابىس تىلەي وتىرىپ، نازارلارىڭىزعا يت جىلى دۇنيەگە كەلگەن وتاندىق جانە الەمدىك تۇلعالاردىڭ كىم ەكەنىن ساراپتاپ كورسەك.

وتكەن ۋاقىتتىڭ كۇنتىزبەسىن اقتارىپ قاراساق، 1910, 1922, 1934, 1946, 1958, 1970, 1982, 1994, 2006, 2018 -جىلدار يت جىلىنا تۇسپا- تۇس كەلىپ تۇر. بۇدان بۇرىنعى تاريحقا كوز جىبەرسەك، 1886 - يت جىلى الاش ارىستارىنىڭ بەلدى مۇشەسى جاھانشا دوسمۇحامەد ۇلى دۇنيەگە كەلگەنىن بىلەمىز. ارادا ءبىر مۇشەل ۋاقىتتان كەيىن الاش ارداقتىلارىنىڭ تاعى ءبىرى تەمىربەك جۇرگەنوۆ ءومىر ەسىگىن اشقان. قازاقتىڭ داڭقىن الەمگە تانىتقان باۋىرجان مومىش ۇلىنىڭ دا ومىرگە كەلگەن ۋاقىتى - 1910 -جىلدىڭ يت جىلى. بار- جوعى 22 جاسىندا اسقان ەرلىگىمەن مايدان دالاسىندا ومىردەن وتكەن كەڭەس وداعىنىڭ باتىرى ءىزعۇتتى ايتىقوۆ تا 1922- جىلى يت جىلىنىڭ تۋماسى.

ىزعۇتتىمەن بىرگە، كەڭەس وداعىنىڭ باتىرى اتانعانداردىڭ ىشىندە ىشىندە يت جىلى تۋعاندار - تالعات بيگەلدينوۆ، توعانباي قاۋىنبايەۆ، قازاقتىڭ باتىر قىزدارى مانشۇك مامەتوۆا مەن حيۋاز دوسپانوۆا.

قازاق رۋحانياتى مەن ادەبيەتىن العا سۇيرەگەندەردىڭ ىشىندە يت جىلى تۋعان تۇلعالار بارشىلىق. اتاپ ايتقاندا، سافۋان شايمەردەنوۆ، سىرباي ماۋلەنوۆ، ءازىلحان نۇرشايىقوۆ، وسپانحان اۋباكىروۆ، قالاۋبەك تۇرسىنقۇلوۆ، عالىم جايلىباي، قاسىمحان بەگمانوۆ قاتارلى تانىمال اقىن- جازۋشىلاردى اتاپ وتۋگە بولادى. اتاقتى انشىلەر روزا باعلانوۆا، نۇرجامال ۇسەنبايەۆا مەن ديماش قۇدايبەرگەن دە يت جىلى تۋعان. تاعى ءبىر قىزىعى، عارىشقا تۇڭعىش كوتەرىلگەن يۋريي گاگارين دە، قازاقتىڭ تۇڭعىش عارىشكەرى توقتار اۋباكىروۆ تە ءبىر قىزىعى يت جىلى ومىرگە كەلگەندەر بولىپ شىقتى.

الاش تاريحىن زەرتتەۋدە اسا زور ۇلەسى قوسىپ جۇرگەن مامبەت قويگەلدييەۆ، ەكس- مينيسترلەر سەرىك بايماعانبەتوۆ، نۇرلان قاپباروۆ، ۆيتسە- پرەمەر ەربولات دوسايەۆتى دا يت جىلىندا تۋعانداردىڭ قاتارىندا. سونىمەن قاتار، قازاقستاننىڭ اتىن الەمگە تانىتقان گەننادي گولوۆكين دە بيىل ءۇشىنشى مۇشەل جاسىنا اياق باسقالى وتىر.

يت جىلى ومىرگە كەلگەن الەمگە ايگىلى تۇلعالاردان ۇلىبريتانيانىڭ اتاقتى بيەۋشىسى ۋينستون چەرچيللدى، ءانشى مايكل دجەكسون مەن مادوننانى، اكتريسا سوفي لورەن، بريدجيت باردونى، الەمدىك جيھانگەز جاك يۆ كۋستو، امەريكالىق جازۋشى ستيۆەن كينگتى، اكتەر سيلۆەستر ستالونە، الەك بولدۋين مەن شەرون ستوۋندى، لي بەن حوندى، جازۋشىلار گي دە موپاسسان، ۆيكتور گيۋگو، الەكساندرا ديۋما، ەرنەست حەمينگۋەيدى اتاپ وتۋگە بولادى.

اۆتور: ايان بەكەن ۇلى