بايقوڭىرلىق وقۋشىلار ەلباسىنا وزدەرى سالعان عارىش سۋرەتتەردى تارتۋ ەتتى
استانا. قازاقپارات - جەردىڭ ءبىرىنشى جاساندى سەرىگىنىڭ ۇشىرىلعانىنا 60 تولۋىنا وراي بايقوڭىرلىق وقۋشىلار 5,5 مىڭنان استام سۋرەت سالدى، دەپ حابارلايدى «قازاقپارات» ح ا ا ءتىلشىسى.
«جاس بايقوڭىرلىقتاردىڭ پاتريوتتىق اكسياسىن بارلىق مەكتەپ قولدادى. «جەردىڭ ءبىرىنشى جاساندى سەرىگىنىڭ ۇشىرىلۋى - بايقوڭىر بالالارىنىڭ كوزىمەن!» مەرەيتويلىق اكسياسى قاتىسۋشىلارىنىڭ شىعارماشىلىق جۇمىستارى بۇگىن قازاقستان پرەزيدەنتى نۇرسۇلتان نازاربايەۆقا جىبەرىلدى»، - دەپ مالىمدەدى بايقوڭىر قالالىق اكىمشىلىگىنىڭ باسپا ءسوز قىزمەتى.
سۋرەتتەردىڭ ءبىر بولىگى بۇرىن ر ف پرەزيدەنتى ۆ. پۋتينگە دە جىبەرىلگەن. سونداي-اق عارىشتىڭ كىشكەنتاي جاناشىرلارى سالعان سۋرەت ر ف مەملەكەتتىك دۋماسىنىڭ دەپۋتاتتارى: گەننادي زيۋگانوۆ، ماكسيم سۋرايەۆ، دەنيس كراۆچەنكو، وكسانا پۋشكينا، الەكسەي رۋسسكيح جانە الەكساندر ماكسيموۆكە دە تابىس ەتىلدى.
21- جەلتوقساندا سۋرەتتەر ر ف قوعامدىق پالاتاسىندا كورمەگە قويىلدى. جۋىردا بايقوڭىر ەلشىلەرىنىڭ قاتارىنا قوسىلعان ر ف ءبىلىم، عىلىم مينيسترلىگىنىڭ قىزمەتكەرى ۆەرا تياتەنكوۆانىڭ باستاماسىمەن ۇيىمداستىرىلعان كورمە ءبىر ايعا جالعاسادى.
