قازاقستاندا زاڭسىز اراق جاساۋشىلار كوبەيدى

مەملەكەتتىك كىرىستەر كوميتەتىنىڭ ءتوراعاسى ارداق تەڭگەبايەۆتىڭ ايتۋىنشا، بۇل كورسەتكىش بىلتىر 6 ميلليوندى قۇراعان.

«اكتسيزدەلەتىن ءونىمنىڭ زاڭسىز اينالىمىن انىقتاۋ ماقساتىندا مەملەكەتتىك كىرىستەر كوميتەتى الكوگول ونىمدەرىنىڭ ساتىلىمىنا رەيد جۇرگىزدى. ناتيجەسىندە الكوگول ونىمدەرىن ءوندىرۋ بويىنشا 44 جاسىرىن سەح قىزمەتىنە توسقاۋىل قويىلدى، 4 ميلليوننان استام جالعان ەسەپكە الۋ- باقىلاۋ ماركالارى تاركىلەندى. وسىلايشا، تاعى 4 ملن زاڭسىز اراقتىڭ ساتىلۋىنا جول بەرمەدىك»، - دەدى ارداق تەڭگەبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، بارلىق ەتيل ءسپيرتى مەن اراق وندىرۋشىلەرىنە تەكسەرۋ جۇرگىزىلىپ، اكتسيزدەر مەن ايىپپۇلدار بويىنشا 200 ميلليون تەڭگەدەن استام قاراجات ەسەپ الىنعان. 203 قىلمىستىق ءىس قوزعالىپ، مىڭنان استام اكىمشىلىك قۇقىق بۇزۋشىلىق انىقتالعان.

«الكوگول ونىمدەرىن ساتۋشىلار اراسىندا ەڭ كوپ تاراعان قۇقىق بۇزۋشىلىقتار - كوتەرمە جانە بولشەك ساۋداعا ليتسەنزيانىڭ بولماۋى، زاڭمەن بەكىتىلگەن ىلەسپە قۇجاتتاردى راسىمدەمەۋ جانە جالعان ەسەپكە الۋ- باقىلاۋ ماركالارىمەن زاڭسىز الكوگول ونىمدەرىن شىعارۋ»، - دەپ ءتۇسىندىردى ارداق تەڭگەبايەۆ.

 سونداي- اق، كوميتەت ءتوراعاسى ارنايى ءموبيلدى قوسىمشا ارقىلى الكوگول ونىمدەرىنىڭ ساپاسىن تەكسەرۋ مۇمكىندىگىن ەسكە سالدى. ەتيكەتكالاردى سكانەرلەۋگە ارنالعان WIPON قوسىمشاسى ارقىلى اكتسيزدىك ماركانى سكانەرلەپ، ءونىم تۋرالى مالىمەتتەردى كورۋگە بولادى.