بەيسفۋكتەگى ەڭ باقىتتى پايدالانۋشىلاردى انىقتادى
استانا. قازاقپارات - Facebook الەۋمەتتىك جەلىسى ءوز تۇتىنۋشىلارى اراسىندا باقىتتى جانە باقىتسىز پايدالانۋشىلاردى انىقتاۋ ماقساتىندا زەرتتەۋ جۇمىسىن جۇرگىزگەن. بۇل تۋرالى كومپانيا ءوز بلوگىندا مالىمدەدى.
دەۆيد دجينسبەرگ جانە مويرا بەرك جۇرگىزگەن زەرتتەۋ جۇمىسىنا ميچيگان ۋنيۆەرسيتەتىنىڭ ستۋدەنتتەرى قاتىستى. تالاپ بويىنشا، پايدالانۋشىلار ەكى توپقا ءبولىندى. ولاردىڭ ءبىرىنشىسى Facebook الەۋمەتتىك جەلىسىنەن جاڭالىقتار وقىسا، ەكىنشى توپ ۋاقىتىنىڭ باسىم بولىگىن دوستارىمەن حات الماسۋمەن وتكىزگەن. ناتيجەسىندە، الەۋمەتتىك جەلىلەردە سوڭعى جاڭالىقتاردى بەلسەندى وقيتىن ادامدار وزدەرىن الدەقايدا ناشار سەزىنەتىنى انىقتالدى.
زەرتتەۋشىلەر Facebook جەلىسىنىڭ ادام پسيحيكاسىنا اسەر ەتۋى ونى قالاي قولداناتىنىنا تىكەلەي بايلانىستى دەگەن قورىتىندىعا كەلدى. وسى زەرتتەۋ ناتيجەسى بويىنشا الەۋمەتتىك جەلىلەردە وزگەلەرگە كوپ ءلۇپىل باساتىندار پسيحيكالىق بۇزىلۋلاردان زارداپ شەگەتىندىگى انىقتالعان.
Massaget.kz
