قىتايدا الەمدەگى ەڭ ۇزىن شىنى كوپىر سالىندى

ول جەكسەنبى كۇنى پايدالانۋعا بەرىلەدى، دەپ حابارلايدى Baq.kz اقپارات اگەنتتىگى ria.ru عا سىلتەمە جاساپ.

دەرەككوزىنىڭ جازۋىنشا، شىجياجۋاڭ قالاسىنداعى حۋنياگۋ اۋدانىندا ورنالاسقان كوپىردىڭ ۇزىندىعى 488 مەتر، ەنى 2 مەتر بولادى. كوپىردىڭ قۇرىلىسى قالىڭدىعى ءتورت سانتيمەتر بولاتىن 077 1 شىنى پانەلدەن قۇراستىرىلعان. ول بيىكتىگى 218 مەتر بولاتىن ەكى جارتاستىڭ اراسىن جالعاپ تۇرادى. كوپىردىڭ جالپى سالماعى 70 توننانى قۇرايدى.

اسپالى كوپىردىڭ تاعى ءبىر ەرەكشەلىگى، جولاۋشىلار ورتا تۇسىنا كەلگەندە ول تەڭسەلەتىن كورىنەدى. بۇل نىساننىڭ 2 مىڭ ادامدى كوتەرە الاتىن مۇمكىندىگى بولعانىمەن، ءبىر ۋاقىتتا ول جەرگە تەك 500 ادام عانا وتە الادى.

قۇرىلىستى جۇرگىزۋگە 1,5  جىل جۇمسالعان. سوڭعى جىلدارى قىتايدا شىنى كوپىرلەر ءجيى سالىنۋدا.

2016 -جىلى قىركۇيەكتە حۋنان پروۆينتسياسىنىڭ چجانتسزياتسزە ۇلتتىق پاركىندە الەمدەگى ەڭ ۇزىن شىنى كوپىر اشىلعان بولاتىن. ونىڭ ۇزىندىعى 430 مەتر، ەنى 6 مەتر.