ا ق ش سولتۇستىك كورەياعا جاقىن كۇندەرى سوعىس اشۋى مۇمكىن
استانا. قازاقپارات - ا ق ش كورەي حالىق دەموكراتيالىق رەسپۋبليكاسىنا اسكەري شابۋىل جاساۋدىڭ جوسپارىن ازىرلەپ جاتىر.
وسىلايشا سولتۇستىك كورەيانىڭ يادرولىق باعدارلاماسىنا توسقاۋىل قويماقشى، - دەپ حابارلايدى The Telegraph.
ماقالادا اق ءۇيدىڭ اسكەري شابۋىلعا دايىندىقتى كۇشەيتكەنى باياندالادى. ماتەريال اۆتورى مۇنداي جاعدايدا ديپلوماتيانىڭ دا كومەگى شامالى دەگەن پىكىرىن كەلتىرگەن.
امەريكا سولتۇستىك كورەيانىڭ قارۋ-جاراق قويمالارى مەن زىمىران ۇشىراتىن جەرلەرىن نىساناعا الىپتى. ا ق ش جاڭا بالليستيكالىق زىمىرانداردىڭ سىناعىن وسىلاي توقتاتپاق.
ايتا كەتەيىك، سۋتەگى بومبالارى مەن بالليستيكالىق زىمىران جاساۋعا كىرىسكەن پحەنياننىڭ ارەكەتى الەمدىك قاۋىمداستىقتى الاڭداتىپ وتىر.
البەتتە، بۇل جاعداي سولتۇستىك كورەيامەن كورشىلەس ورنالاسقان وڭتۇستىك كورەياعا، سونداي-اق جاپونياعا دا وڭاي تيمەيتىنى انىق.
