اقتاۋدان شىمكەنتكە باعىت العان ۇشاق تارازعا قونۋعا ءماجبۇر بولدى

«20- جەلتوقسان كۇنى - «بەك ەير» اۋە كومپانياسىنىڭ اقتاۋ - شىمكەنت باعىتىمەن ۇشىپ، ودان كەيىن الماتىعا بەت العان Z9-2226№ رەيسى، قولايسىز اۋا رايىنا بايلانىستى، تاراز قالاسىنىڭ «اۋليە اتا» اۋەجايىنا قونۋعا ءماجبۇر بولدى»، - دەيدى «اۋليە اتا» حالىقارالىق اۋەجايى» ا ق پيار-مەنەدجەرى يۋليا ەگوروۆا.

ونىڭ سوزىنە قاراعاندا، اۆياتاسىمالداۋشى وسى باعىتپەن شىمكەنتتەن الماتىعا ۇشۋى ءتيىس جولاۋشىلاردى اۆتوبۋسپەن جەتكىزىپ سالۋعا شەشىم قابىلداعان.

«اۋليە اتا» اۋەجايى «بەك ەير» وكىلدەرىنە تاراز اۋەجايىنداعى جولاۋشىلاردىڭ ورنالاسۋى مەن تاماقتانۋىن ۇيىمداستىرۋدى ۇسىندى، ءبىراق اۆياتاسىمالداۋشى اۋەجايدىڭ كومەگىنەن باس تارتتى»، - دەيدى ول.

يۋليا ەگوروۆانىڭ ايتۋىنشا، شىمكەنتتەن شىققان جولاۋشىلاردىڭ جەتۋىن ەكى جارىم ساعات كۇتۋگە ءماجبۇر بولعان جولاۋشىلار نارازىلىقتارىن بىلدىرگەن. شىمكەنتتە ەكى اپتادان بەرى قالىڭ تۇمان سەيىلمەي تۇر، بۇل جايت اۋەجاي قىزمەتىنە اسەرىن تيگىزۋدە.

وسى ورايدا ايتا كەتەلىك، ق ر «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭىنا سايكەس، رەيس باسقا ۋاقىتقا اۋىستىرىلعاندا نەمەسە كەشىككەندە اۆياتاسىمالداۋشى جولاۋشىلاردىڭ كۇتۋىنە ءتيىستى جاعدايلاردى جاساۋعا مىندەتتى.

«قازاقپارات» ح ا ا ءتىلشىسى اۋە كومپانياسىنا وسى جاعداي جونىنەن پىكىر ءبىلدىرۋىن سۇراپ، ساۋال جولدادى.