قازاقستاندا كوشى- قون بويىنشا حالىققا قىزمەت كورسەتەتىن ورتالىق اشىلادى

استانا. قازاقپارات - قازاقستاندا كوشى- قون بويىنشا حالىققا قىزمەت كورسەتەتىن ورتالىق اشىلادى. بۇل جايىندا بۇگىن ۇكىمەتتىڭ سەلەكتورلىق رەجىمدەگى وتىرىسىندا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتوراعاسى ابىلايحان وسپانوۆ ايتتى، دەپ حابارلايدى قازاقپارات.

«بيىل استانادا كوشى- قون قىزمەتتەرىن كورسەتتەتىن حالىققا قىزمەت كورسەتۋ ورتالىعىن جانە كوكشەتاۋ مەن سەمەيدە اۆتوكولىكتەردى تىركەۋ جانە جۇرگىزۋشى كۋالىگىن بەرۋ قىزمەتىن كورسەتەتىن فرون- وفيستەر اشامىز. ال كەلەسى جىلدىڭ باسىندا ورال مەن اتىراۋ قالالارىندا دا ءدال وسىنداي مامانداندىرىلعان حالىققا قىزمەت كورسەتۋ ورتالىقتارىن اشۋدى جوسپارلاپ وتىرمىز»، - دەدى ابىلايحان وسپانوۆ.

ونىڭ ايتۋىنشا، ەلوردادا اشىلاتىن كوشى- قون قىزمەتتەرىن كورسەتتەتىن حالىققا قىزمەت كورسەتۋ ورتالىعىندا قۇجاتتاردى قابىلداۋ جانە تىركەۋ قىزمەتتەرىن «ازاماتتارعا ارنالعان ۇكىمەت» ماماندارى كورسەتەدى، ناتيجەسىندە كوشى- قونعا بايلانىستى مەملەكەتتىك قىزمەتتەر دە «ءبىر تەرەزە» قاعيداتى بويىنشا بەكىتىلگەن ستاندارتتارعا ساي ۇسىنىلاتىن بولادى.

ايتا كەتەيىك، قازىرگى تاڭدا مەملەكەتتىك كورپوراتسيا اياسىندا قازاقستان بويىنشا 349 فرونت- وفيس پەن 637 بەك- وفيس، 12 مامانداندىرىلعان ح ق ك و، 70 ۇتقىر ح ق ك و جۇمىس ىستەيدى. مەملەكەتتىك قىزمەت كورسەتۋدىڭ ءبىرىڭعاي پروۆايدەرى رەتىندە قۇرىلعان ۇيىمنىڭ 20 مىڭنان استام مامانى حالىققا جىل سايىن 37 ميلليوننان استام قىزمەت كورسەتەدى.

اۆتور: مارلان جيەمباي