جەراستى مەشىتى الەمدەگى ەڭ ۇزدىك عيماراتتاردىڭ قاتارىنان كورىندى - فوتو
استانا. قازاقپارات - الەمدەگى ساۋلەتتى دامىتۋ ماقساتىندا قۇرىلعان حالىقارالىق وداق - بريتانيا ساۋلەتشىلەرىنىڭ كورولدىك ينستيتۋتى 2018 RIBA حالىقارالىق ءتىزىمىن ءتۇزدى.
بۇل تىزىمگە الەمنىڭ 28 ەلىندە كەزدەسەتىن 62 ۇزدىك عيماراتتار ەندى. ولاردىڭ اراسىندا تۇركياداعى الەمگە ايگىلى جەراستى مەشىتى دە بار.
بۇل جايىندا Forbes اقپارات كوزى حابار تاراتتى. RIBA جەتەكشىسى بەن دەربيشيردىڭ ايتۋىنشا، ىرىكتەلگەندەر ساۋلەت ونەرىنىڭ التىن ستاندارتىنا ەنەدى. RIBA ماماندارى اپتا بويى تۇسكەن وتىنىشتەردى قاراپ، كورنەكتى ساۋلەتشى ەليزابەت ديللەر (Diller، Scofidio + Renfro سەرىكتەسى ءارى نەگىزىن قالاۋشى) باستاعان قازىلار القاسى مۇقيات تۇزىلگەن تىزىمنەن التاۋىن تاڭداپ، ءوز سىيلىقتارىن تارتۋ ەتەدى.
اتالمىش ماراپات ەكى جىلدا ءبىر بەرىلەدى جانە ونى الەمنىڭ ەڭ كەرەمەت ساۋلەت تۋىندىلارىن كوتەرمەلەۋ ءۇشىن تاعايىندالعان. وسى زامانعى ونەر ءۇشىن بەرىلەتىن جۇلدەلى ورىنعا تالاساتىن جوبالاردىڭ قاتارىندا ۆەرتيكالدى ورمان (Boeri Studio جوباسىندا ەكى تۇرعىن ءۇي مۇناراسى بار عيمارات: 800 اعاشى، 4500 بۇتاسى جانە 15000 وسىمدىگى بار)، ساۋدياداعى كورول فارحاد اتىنداعى ۇلتتىق كىتاپحانا جانە ءبىز ءسوز ەتىپ وتىرعان «سانكاكلار» مەشىتى بار.
ايتا كەتەيىك، اتالعان مۇسىلمانداردىڭ قۇلشىلىق ءۇيىنىڭ جوباسىن Emre Arolat Architects سىزعان. ىستامبۇل شاھارى ماڭىندا ورنالاسقان. بۇل مەشىت 7 مەتر جەر استىندا سالىنعان. 650 ادامعا شاقتالعان.
gf
