قاراعاندىلىق كاسىپكەر تۋعان اۋىلىنا تارتۋ جاسادى - كەسكىن

استانا. قازاقپارات - قاراعاندى وبلىسى نۇرا اۋدانى كاسىپكەر تارتۋ بالاباقشا سالۋ قازاقستان جاڭالىقتارى قاراعاندى وبلىسىنىڭ نۇرا اۋدانىنا قاراستى قاينار اۋىلىندا جاڭا بالاباقشا پايدالانۋعا بەرىلدى.

بۇل - جەرگىلىكتى كاسىپكەر سەيىتجاپپار نىعمەتوۆتىڭ تۋعان اۋىلىنا تارتۋى. ول 60 ميلليون تەڭگە ءبولىپ، عيماراتتى از ۋاقىتتا سالىپ بەرگەن. بۇعان دەيىن ەلدى مەكەندە مەكتەپكە دەيىنگى مەكەمە مۇلدەم بولماپتى. جاڭا بوبەكجاي 100 بالاعا لايىقتالعان. اقساقالداردىڭ ايتۋىنشا، ءقازىر اۋىلعا جاستار تۇراقتاپ جاتىر. سەبەبى جۇمىس بار. كاسىپكەر بۇعان دەيىن دە اۋىلدا مادەنيەت ءۇيىن، سپورت كەشەنىن سالىپ، جۇمىسكەرلەر ءۇشىن 12 تۇرعىن ءۇي تۇرعىزىپ بەرگەن.

سەيىتجاپپار نىعمەتوۆ، شارۋاقوجالىق باسشىسى:

-  جاستار بولماسا، بالالار بولمايدى. جاستار بولماسا، جۇمىس جۇرمەيدى. سوندىقتان وسى بالاباقشا ماسەلەسىن موينىمىزعا العان ەدىك. بۇل «رۋحاني جاڭعىرۋعا»، تۋعان جەرگە سايكەس تارتۋ بولىپ وتىر.

 

www.24.kz