فينليانديادا كورەرمەندەردىڭ ۇستىنە ۇلكەن قۇبىر قۇلادى
استانا. قازاقپارات - پوحيانماا اۋداندىق پوليتسياسى ۆااسا قالاسىنىڭ مۇز ارەناسىندا بولعان اپاتتى تەكسەرۋگە كىرىستى، دەپ حابارلايدى قازاقپارات yle.fi سايتىنا سىلتەمە جاساپ.
جەكسەنبى كۇنى كەشكىسىن روجدەستۆولىق كونسەرت كەزىندە جەلدەتكىش قۇبىرى مەن جارىق تەحنيكاسىنىڭ تىرەگى ادامداردىڭ ۇستىنە قۇلاعان.
«ەنى 65 سانتيمەتر جانە ۇزىندىعى 10 مەتر بولاتىن جەلدەتكىش قۇبىرى بەلگىسىز سەبەپپەن قۇلاپ كەتكەن، ونىمەن بىرگە جارىق تەحنيكاسىنىڭ تىرەگى دە قۇلاعان»، دەدى ءورت ءسوندىرۋشى اري رينتا-ياسكاري.
ونىڭ ايتۋىنشا، وقيعا سالدارىنان جەتى ادام جەڭىل جاراقات العان. عيماراتتىڭ ىشىندە بارلىعى 3100 ادام بولعان.
STT اقپارات اگەنتتىگىنىڭ حابارلاۋىنشا، اپاتتى جانە وقيعانى تەكسەرۋ ورتالىعى بولعان وقيعانىڭ ءمان-جايىن انىقتاپ جاتىر.
