وڭتۇستىك قازاقستان وبلىسىندا اجەسى مەن نەمەرەسى يىستەن ۋلانىپ قايتىس بولدى

 دەپ حابارلايدى قازاقپارات ءتىلشىسى.

وبلىستىق توتەنشە جاعدايلار دەپارتامەنتىنىڭ مالىمەتىنشە 72 جاستاعى زەينەتكەر مەن 12 جاستاعى جەتكىنشەكتىڭ ءولى دەنەسىن تاڭعى ساعات سەگىزدەر شاماسىندا تۋىستارى تاۋىپ الىپتى. سول كۇنى تۇندە ۇيدە ەكەۋى عانا قالعان ەكەن. وقيعا ورنىنا جەدەل جاردەم قىزمەتىن شاقىرتقان. الايدا دارىگەرلەر بولجام بويىنشا اجەسى مەن نەمەرە قىزى تۇنگى ساعات 23.00-دەر شاماسىندا كوز جۇمعانىن ايتىپتى. وقيعا ورنىنا جەتكەن اباي گاز شارۋاشىلىعى ماماندارى ۇيدەگى جىلىتۋ جۇيەسىنىڭ قۇبىرلارىن تەكسەرۋ بارىسىندا كوپتەگەن كەمشىلىكتەردى انىقتالعان. گازدىڭ ءيىسىن سورىپ، سىرتقا شىعاراتىن قۇرىلعى بولماي شىقتى. قازىر ءىستى سوت- مەديتسينالىق ساراپتامالار تاعايىندالىپ، ءيىستىڭ شىعۋ سەبەپتەرى انىقتالۋدا.

ايتا كەتەيىك، وڭىردە جىل باسىنان بەرى ۋلى گازدان 56 ادام زارداپ شەگىپ، 20 ادام قايتىس بولعان. ونىڭ ىشىندە 8 بالا بار. وسىعان وراي توتەنشە جاعدايلار قىزمەتكەرلەرى تۇرعىندارعا ۇيگە پەش ورناتقاندا ساقتىق شارالارىن قاتاڭ ساقتاۋدى ەسكەرتىپ وتىر.