اپاتقا ۇشىراعان ۇشاقتا بولعان ءيت امان قالدى
استانا. قازاقپارات - ا ق ش- تىڭ ينديانا شتاتىندا ءبىر موتورلى ۇشاق اپاتقا ۇشىرادى، دەپ حابارلايدى ت ا س س.
ۇشاقتىڭ اپاتقا ۇشىراعاندىعى تۋرالى اقپاراتتى شتات پوليتسياسىنىڭ رەسمي وكىلى ستيۆەن ۋيلس ءوزىنىڭ Twitter- دەگى پاراقشاسىندا جازدى.
ميسسۋريدەن مەريلەندگە باعىت العان ۇشاق ىشىندە وتىرعان 3 جولاۋشىنىڭ مەرت بولعاندىعىن حابارلادى.
سونداي- اق، ۋيلس ۇشاقتا ادامداردان بولەك ەكى ءيتتىڭ بولعاندىعىن، ونىڭ بىرەۋىنىڭ ءتىرى ەكەندىگىن ايتتى.
وقيعانىڭ ءمان- جايى تەكسەرىلىپ جاتىر.
