دارىگەرلەر جۇرەگى كەۋدەسىنىڭ سىرتىندا ورنالاسقان ءسابيدى امان الىپ قالدى

بۇل تۋرالى Telegraph جازادى.

دارىگەرلەر ناومي فيندلەي مەن دين ۋيلكينسكە بولاشاق سابيلەرىنىڭ سيرەك دەرتكە شالدىققاندىعى تۋرالى جۇكتىلىكتىڭ توعىزىنشى اپتاسىندا ەسكەرتكەن. مەديتسينا تىلىندە بۇل ەكتوپيا جۇرەكتى سىرقات دەپ اتالادى. بۇل دەرتكە شالدىققانداردىڭ ءومىر سۇرۋگە مۇمكىندىگى وتە تومەن.

الايدا، اعىلشىن وتباسى تاۋەكەلگە بەل بۋىپ، سابيگە ءومىر سىيلادى.

22- قاراشا كۇنى تۋعان سابيگە بىردەن ءۇش وپەراتسيا جاسالعان. وعان شامامەن 50 گە جۋىق دارىگەر قاتىستى. حيرۋرگتار جاساندى كەۋدە قۋىسىن جاساپ، وعان ءسابيدىڭ جۇرەگىن سالعان. ناتيجەسىندە ول وسىنداي سيرەك كەزدەسەتىن سىرقاتتان امان قالعان ۇلى بريتانياداعى العاشقى ءسابي بولىپ وتىر.

« قىزىم ومىرگە كەلگەن كەزدە ءبىز دۇرىس شەشىم قابىلداعانىمىزدى سەزىندىك. جاعدايدىڭ وڭاي بولمايتىنىن بىلدىك، دايىن بولدىق. الايدا بىلىكتى ماماندار قولدان كەلگەننىڭ ءبارىن جاسادى»، - دەيدى ءسابيدىڭ اكەسى ۋيلكينس.