ەلىمىزدە استىق ەكسپورتتاۋ ءۇشىن ۆاگون جەتىسپەيدى
الايدا وسى استىقتى تاسىمالدايتىن ۆاگون جەتىسپەي جاتىر. تەك جەلتوقسان ايىنىڭ وزىندە ۇن مەن بيدايدى ەكسپورتتاۋ ءۇشىن 16,5 مىڭ ۆاگون قاجەت. ال بىزدە باس- اياعى 9 مىڭ ۆاگون بار. ونىڭ ءوزىن ءتيىمدى پايدالانا الماي وتىرمىز. بۇگىن ماجىلىستە وسى ماسەلەگە ارنالعان وتىرىس ءوتتى. اگرارلىق كوميتەتتىڭ دەپۋتاتتارى قاجەتتى قۇرىلىمداردىڭ وكىلدەرىن شاقىرىپ، ۆاگون جەتىسپەۋشىلىگىن شەشۋدىڭ جولدارىن تالقىلادى.
اۋىل شارۋاشىلىعى ءمينيسترىنىڭ ورىنباسارى نۇرجان التايەۆتىڭ ايتۋىنشا، بۇل تاپشىلىققا بىرنەشە فاكتور اسەر ەتكەن. ونىڭ ءبىرىنشىسى - بيىل رەسەي مەن ۋكراينادا استىق بىتىك شىعىپ، ازەربايجان، گرۋزيا جانە تۇركيا سەكىلدى جاقىن باعىتتاردىڭ سۇرانىسىن ورىنداپ قويعان. سوندىقتان قازاقستاندىق ءونىم اۋعانستانعا جونەلتىلگەن. الايدا ول ەلدىڭ ينفراقۇرىلىمى استىق قابىلداۋعا دايىن بولماي شىققان. قازىر اۋعانستاننىڭ گالابا ستانساسىندا ءبىزدىڭ 3,5 مىڭ ۆاگون قاڭتارىلىپ تۇر. ولار 4 - قاراشادا اتتانعان. ءالى ورالعان جوق.
نۇرجان التايەۆ، ق ر اۋىل شارۋاشىلىعى ءمينيسترىنىڭ ورىنباسارى:
- 2018 -جىلدىڭ كوكتەمىنە دەيىن بيداي يمپورتىنا يران تاراپى ەنگىزگەن شەكتەۋمەن سالاداعى جاعداي ۋشىعا ءتۇستى. يرانعا جوسپارلانعان استىق ەكسپورتى دا اۋعانستان جاعىنا قايتا باعىتتالدى. استىق تيەۋگە ارنالعان ۆاگونداردىڭ تاپشىلىعى تۋىندادى، ونى شەشۋگە شارالار دا قابىلداندى. باسقا ەلدەردەن 2270 ۆاگون تارتىلدى. سونىمەن قاتار اپتانىڭ سوڭىنا دەيىن قازاقستانعا تاعى 1000 ۆاگون، جاڭا جىلعا دەيىن - 500، ال 2018 -جىلدىڭ 10- قاڭتارىنا دەيىن تاعى 500 ۆاگون جەتكىزىلەدى.
جەكسەنباي دۇيسەبايەۆ، ق ر پارلامەنتى ءماجىلىسىنىڭ دەپۋتاتى:
- ءوزىمىزدىڭ ۆاگونداردىڭ دا جالعا بەرىلگەنى بار ەكەن. ونى تەكسەرۋ كەرەك. مىسالى، كورشى رەسەي بيىل 130 ميلليون توننا استىق دايىنداعان. سوعان ءبىزدىڭ ۆاگوندار جالعا بەرىلگەن. ءبىرازى. ءوزىمىزدىڭ نارىق ۆاگوندارعا تاپشى بولىپ قالعان.
www.24.kz
