عالىمدار ادام اعزاسىنداعى ىسىكتى انىقتايتىن گيدروگەل ويلاپ تاپتى

جاڭالىقتىڭ ماڭىزدىلىعى وسى اۋىتقۋلاردى زەرتتەپ، ءتيىمدى ءدارى-دارمەك جاساپ شىعارۋدى جەڭىلدەتە تۇسەدى.

عالىمداردىڭ ايتۋىنشا، دارىگەرلەر بۇل گەل ارقىلى ءداستۇرلى قۇرال-اسپاپتارمەن جاسالعان زەرتتەۋلەرگە قاراعاندا الدەقايدا ارتىق ناتيجەگە قول جەتكىزە الادى. جانە دە قانداي دا ءبىر ءدارى جاساپ شىعارۋ ءۇشىن جانۋارلارعا جۇرگىزىلەتىن تاجىريبەلەردى دە ازايتۋعا كومەكتەسەدى. پولياك عالىمدارى بولاشاقتا بۇل گەلدى بارلىق زەرتتەۋ ورتالىقتارىندا پايدالانا باستايتىنىنا سەنىمدى.

«ءبىزدىڭ مىنا ويلاپ تاپقان سۋلى گەل زەرتحانالىق جاعدايدا ادامداردىڭ دەنەسىندەگى جاسۋشالاردىڭ ءوسۋ ورتاسىن قالىپتاستىرادى. ول سونىسىمەن قۇندى»، - دەدى زەرتتەۋشى مارتين كريزكاۆسكي.