الماتىنىڭ تاۋ بوكتەرىنە كوپقاباتتى ءۇي سالۋ توقتاتىلدى - بەكقالي تورعايەۆ

 الماتى. قازاقپارات - ەلباسى تاپسىرماسىنان كەيىن ءال- فارابي كوشەسىنەن جوعارى تاۋ بوكتەرىندە بىردە ءبىر كوپ قاباتتى تۇرعىن ءۇي سالىنعان جوق.

بۇل تۋرالى بۇگىن الماتى قالاسى وڭىرلىك كوممۋنيكاتسيالار قىزمەتى الاڭىندا بوستاندىق اۋدانىنىڭ اكىمى بەكقالي تورعايەۆ ايتتى، دەپ حابارلايدى قازاقپارات ءتىلشىسى.

«2016 - جىلدىڭ باسىندا بەرىلگەن ەلباسى نۇرسۇلتان نازاربايەۆتىڭ تاپسىرماسىنان كەيىن ءال- فارابي كوشەسىنەن جوعارى قاراي كوپ قاباتتى ۇيلەر سالىنعان جوق. قالالىق ءماسليحات دەپۋتاتتارى وسى تاپسىرماعا سايكەس تاۋ بوكتەرىندە سالىناتىن ۇيلەردىڭ بيىكتىگى 12 مەتردەن اسپاۋ قاجەت دەگەن شەشىم قابىلداعان بولاتىن. قالا قۇرىلىسى كەڭەسىندە وسىدان كەيىن بىردە ءبىر جوبا ورىندالعان جوق. ەلباسى تاپسىرماسىنا دەيىن شەشىم العاندارعا مونيتورينگ جۇرگىزدىك. ءبىزدىڭ اۋداندا «بازيس» كومپانياسىنىڭ 7 قاباتتى ءۇي سالۋ جوباسى بار ەدى، سونى 3 قاباتقا شەگەردىك» ، - دەدى اۋدان اكىم.

سونىمەن قاتار، اۋدان اكىمى 2017 -جىلى بوستاندىق اۋدانىندا ەلباسىنىڭ «بولاشاققا باعدار: رۋحاني جاڭعىرۋ» ماقالاسىن ىسكە اسىرۋ ماقساتىندا 10 نان استام جوبالار ماقۇلدانىپ، جۇزەگە اسىرىلعانىن ايتتى.

«بيىلعى جىلى اۋدانىمىزدا 14 جاڭا بالالارعا ارنالعان سپورت الاڭدارى اشىلدى. ءبىرقاتار كوشەلەر اباتتاندىرىلدى. ءتول مادەنيەتىمىزدى دارىپتەۋ ماقساتىندا جاستار اراسىندا «جاس وركەن» فەستيۆالى ۇيىمداستىرىلدى. ءبىرقاتار كوشەلەردىڭ اتاۋى وزگەردى. وزدەرىڭىز جاقسى بىلەتىندەي ءبىزدىڭ اۋداننىڭ ماگيسترالدى، باستى كوشەلەرىنىڭ ءبىرى - بۇرىنعى فۋرمانوۆ كوشەسىنە ەلىمىزدىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ ەسىمى بەرىلدى. بۇل ءبىزدىڭ قالامىز ءۇشىن، ونىڭ ىشىندە اۋدان تۇرعىندارى ءۇشىن زور ماقتانىش، ۇلكەن ابىروي» ، - دەدى ول.

بەكقالي تورعايەۆتىڭ ايتۋىنشا، 2017 -جىلدىڭ قاڭتار- قازان ايلارىنا سايكەس، بوستاندىق اۋدانىندا مەملەكەتتىك كىرىستەر كولەمى 273,6 ميلليارد تەڭگەنى قۇراپ وتىر.

«جوسپار %74,0 ورىندالدى. ونىڭ ىشىندە رەسپۋبليكالىق - 182,2 ميلليارد تەڭگە (%67,0) بولسا، جەرگىلىكتى - 91,4 ميلليارد تەڭگە (%90) » ، - دەدى اكىم.

قازىرگى تاڭدا، بوستاندىق اۋدانىندا جالپى سانى 44 ءىرى جانە ورتا، 884 كىشى كاسىپورىندار تىركەلگەن. الماتى قالاسى بويىنشا بوستاندىق اۋدانىندا كاسىپورىن ونىمدەرىنىڭ ۇلەسى%10,4 قۇرايدى.

«اعىمداعى جىلدىڭ قاڭتار- قازان ايلارى ارالىعىندا نەگىزگى كاپيتالعا قۇيىلعان ينۆەستيتسيالار كولەمى 119,9 ملرد. تەڭگەگە جەتتى. بىلتىرعى كورسەتكىشپەن سالىستىراتىن بولساق %125 ءوسىپ وتىر (95,9 ميلليارد تەڭگە) » ، - دەدى ب. تورعايەۆ.

 اۋدان اكىمى بايانداماسىندا بوستاندىق اۋدانىندا  24836 كاسىپورىن تىركەلگەنىن، قازىرگى تاڭدا ولاردىڭ  12896 تۇراقتى جۇمىس ىستەيتىنىن ايتتى.

  

اۆتور: الماس مۇقاش ۇلى