11:20, 13 - جەلتوقسان 2017 | GMT +5
قانات يسلام استانادا تاعى ءبىر بوكس كەشىن وتكىزەدى
استانا. قازاقپارات - قانات يسلام (24-0- 0,19 ك و) استانادا تاعى ءبىر بوكس كەشىن وتكىزبەك. بۇل تۋرالى بوكسشىنىڭ PR- مەنەدجەرى بەرىك سۇلتان فەيسبۋكتەگى پاراقشاسىندا حابارلادى.
«Team QAZAQ استانا قالاسىنىڭ 20 جىلدىق مەرەيتويىنا بايلانىستى ەلوردادا ۇلكەن كاسىپقوي بوكس كەشىن وتكىزبەك. كەلىسسوز جۇمىستارى باستالدى»، - دەپ جازدى بەرىك سۇلتان.
بوكس كەشى 2018-جىلدىڭ مامىر ايىندا ۇيىمداستىرىلادى دەپ جوسپارلانۋدا. باستى جەكپە-جەكتە قانات يسلام جۇدىرىقتاسادى.
«قانات يسلامنان بولەك بۇل بوكس كەشىندە كوك تۋدى جەلبىرەتىپ جۇرگەن ەلىمىزگە تانىمال قازاقتاندىق بوكسشىلار دا ءوز ونەرىن ورتاعا سالادى.
ايتا كەتەيىك قانات يسلام جەلتوقسان ايىنىڭ سوڭىندا ا ق ش- قا اتتانادى. كوماندا جوسپارى بويىنشا QAZAQ استاناداعى بوكس كەشىنىڭ الدىندا امەريكادا 1 ايقاس وتكىزەدى»، - دەيدى بەرىك سۇلتان.
