قازاقتىڭ سالت-داستۇرىنە ارنالعان مونەتالار اينالىمعا شىقتى

شاقالار «قازاقستاننىڭ ادەت- عۇرىپتارى، ۇلتتىق ويىندارى» مونەتالار سەرياسىنا جاتادى.

«شاشۋ - قۋانىشقا وراي جاسالاتىن سالت-ءداستۇر. قۇدا ءتۇسۋ، توي نەمەسە باسقا دا ايتۋلى وقيعالار كەزىندە كامپيتتەر مەن تيىندار شاشىلادى. بۇل ساتتىلىك اكەلەتىن جاقسى ىرىم بولىپ ەسەپتەلەدى»، - دەلىنگەن ۇلتتىق بانكتىڭ باسپا ءسوز مالىمەتىندە.

500 تەڭگەلىك مونەتا 925 سىنامالى كۇمىستەن جاسالعان، ماسساسى - 24 گرام، ديامەترى - 37 م، دايىنداۋ ساپاسى - «proof»، تارالىمى - 3 مىڭ دانا.

100 تەڭگەلىك مونەتا «نەيزيلبەر» قوسپاسىنان جاسالعان، ديامەترى - 31 م م، ماسساسى - 11,17 گرام، تارالىمى - 10 مىڭ دانا.

ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» كاسىپورنى دايىندادى. ولاردىڭ ديزاينى ق ر پرەزيدەنتىنىڭ 2003-جىلعى 25- قىركۇيەكتەگى 1193№  جارلىعىمەن بەكىتىلگەن قازاقستان تەڭگەسى - ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.

«Proof» ساپاسىمەن جاسالعان ەسكەرتكىش مونەتالار كوللەكتسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە ۇلتتىق بانكتىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

نومينالى 500 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى. قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

نەيزيلبەر قوسپاسىنان جاسالعان ەسكەرتكىش مونەتالار جاقسارتىلعان ساپامەن دايىندالعان جانە ساتۋ ءۇشىن ارنايى پوليگرافيالىق وراۋعا سالىنعان. ولاردى ۇلتتىق بانكتىڭ بارلىق فيليالدارىنان، ال كۇمىس مونەتالاردى، سونداي-اق ق ر ۇ ب سايتىنىڭ ينتەرنەت-دۇكەنى ارقىلى ساتىپ الۋعا بولادى.