وڭتۇستىك كورەيالىق كومپانيا تەلەفوندى قۋاتتايتىن «اقىلدى» جەمپىر ويلاپ تاپتى
استانا. قازاقپارات - وڭتۇستىك كورەيالىق Samsung كومپانياسى «اقىلدى» جەمپىر مودەلىن پاتەنتتەدى. بۇل تۋرالى ارمەنپرەسس حابارلادى.
كومپانيانىڭ يدەياسىنا سايكەس، جەمپىر ادامنىڭ قولىنىڭ قوزعالىسىنان ەنەرگيا وندىرەتىن بولادى. بۇل ءۇشىن كۇرتەنىڭ جەڭىنە جانە الدىڭعى بولىگىنە ۇيالى تەلەفون يەسىنىڭ بەلسەندىلىگىن ەسەپتەيتىن ارنايى داتچيكتەر ورناتىلادى.
ال اككۋمۋلياتوردى ارقا تۇسىنا ورناتۋ كوزدەلگەن. ونىڭ كولەمى تۋرالى مالىمەتتەر ازىرگە جوق. ءبىراق پاتەنتتىك وتىنىمگە سايكەس، قۋاتى اسا ۇلكەن ەمەس باتارەيالاردى پايدالانۋ جوسپارلانۋدا.
ساراپشىلار «اقىلدى» جەمپىر قاڭتار ايىندا لاس-ۆەگاستا وتەتىن CES-2018 جارمەڭكەسىندە تانىستىرىلاتىنىن بولجاۋدا.
