قازاقستاندا تەمەكىگە سۇرانىس ازايدى

ءبىراق، سۇرانىس تومەندەگەنىمەن، تەمەكى زاتتىرىنىڭ باعاسى 10,2 پايىزعا وسكەن.

اگەنتتىك ساراپشىلارىنىڭ ايتۋىنشا، تەمەكى شىعاراتىن كومپانيالار ەلىمىزدەگى ءوندىرىس كولەمىن ازايتقان. وسى جىلى قاڭتار- قازان ايلارىندا ەلىمىزدە جۋان شىلىم، سيگارا، سيگاريللا مەن پاپيرۋس سياقتى شىلىم تۇرلەرىنەن 14,3 ميلليارد تەمەكى وندىرىلگەن. بۇل كورسەتكىش بىلتىرعى جىلمەن سالىستىرعاندا 11,7 پايىزعا تومەن. ال بىلتىر ونىڭ الدىنداعى جىلمەن سالىستىرعاندا تەمەكى شىعارۋ بار- جوعى 0,9 پايىزعا ازايعان ەدى.

وسى جىلعى سوڭعى دەرەكتەرگە سايكەس 9-ايدا 15,4 ميلليارد تەمەكى مەن پاپيروس ساتىلعان. بۇل تەمەكى ءوندىرىسىنىڭ سوڭعى بەس جىل ىشىندە ەڭ تومەنگى دەڭگەيگە جەتكەنىن بايقاتادى.

ساراپشىلاردىڭ ايتۋىنشا، تەمەكى سۇرانىسىنىڭ ازايۋىنا ق ر زاڭناماسىنداعى وزگەرىستەر دە اسەر ەتىپ وتىر.

ايتا كەتەيىك، قازاقستان ون جىلدان بەرى دۇنيەجۇزىلىك دەنساۋلىق ساقتاۋ اسسوتسياتسياسىنىڭ تەمەكىمەن كۇرەس جونىندەگى نەگىزدەمەلىك كونۆەنتسياسىن ۇستانۋدا.

كۇرەستىڭ ءبىر ءتۇرى - باعانىڭ وزگەرۋى. بيىل فيلترلى، فيلترسىز سيگارەتتەرگە جانە پاپيروستارعا ەڭ تومەن بولشەك ساۋدا باعالارىن بەلگىلەۋ تۋرالى ق ر ۇكىمەتىنىڭ 2007 -جىلعى 4 - ساۋىردەگى N 260 قاۋلىسىنا 25 - قىركۇيەكتە وزگەرىستەر ەنگىزىلگەن بولاتىن.

قاۋلىعا سايكەس 20 ءتۇرلى تەمەكىنىڭ ەڭ تومەنگى باعاسى تومەندەگىدەي

2017 -جىلدىڭ 31 - جەلتوقسانىنا دەيىن - 320 تەڭگە؛

2018 -جىلدىڭ 1 - قاڭتارىنان 2018 -جىلدىڭ 30 - ماۋسىمىنا دەيىن - 340 تەڭگە؛

2018 -جىلدىڭ 1 - شىلدەسىنەن 2018 -جىلدىڭ 31 - جەلتوقسانىنا دەيىن - 360 تەڭگە؛

2019 -جىلدىڭ 1 - قاڭتارىنان باستاپ - 380 تەڭگە.

Baq.kz