جاقىپ اسانوۆ جوعارعى سوتتىڭ جاڭا ءتوراعاسى رەتىندە قانداي ۋادە بەردى

استانا. قازاقپارات - ق ر جوعارعى سوتىنىڭ جاڭا ءتوراعاسى جاقىپ اسانوۆ قازاقستان حالقىنىڭ سەنىمىن اقتاۋ ءۇشىن ايانباي ەڭبەك ەتەتىندىگىن ايتىپ، ۋادە بەردى، دەپ حابارلايدى قازاقپارات.

  «ەڭ باستى قۇندىلىعىمىز - ول حالىقتىڭ سەنىمى. سوندىقتان بارلىق كۇش- جىگەرىمدى، ءبىلىمدى سوعان جۇمسايمىن. قازىر دەپۋتاتتاردىڭ الدىندا سوعان ۋادە بەردىم. مەنىڭشە، بۇل ۇلكەن باقىت، ەلىڭە قىزمەت ەتۋ - ۇلكەن مارتەبە. سوندىقتان قانداي جاۋاپكەرشىلىك ەكەندىگىن جاقسى تۇسىنەمىن. بارىمدى سالىپ جۇمىس ىستەيمىن دەپ بارلىق قازاقستان حالقىنا ۋادە بەرەمىن»، - دەدى جاقىپ اسانوۆ كانديداتۋراسىن سەنات دەپۋتاتتارى قولداعاننان كەيىن ب ا ق وكىلدەرىنە بەرگەن سۇحباتىندا.

 سونىمەن قاتار جاقىپ اسانوۆ ق ر باس پروكۋرورى رەتىندە ءبىراز جۇمىس اتقارعانىن دا ايتتى.

«ەڭ الدىمەن پروكۋراتۋراعا قاتىستى كونستيتۋتسيالىق باپ وزگەردى. قازىر پروكۋراتۋرانىڭ جاڭا ميسسياسى، جاڭا ستراتەگياسى بار. 22 جىل وزگەرمەگەن زاڭ وزگەرتىلدى. ءبىزدىڭ تاريحىمىزدا العاش رەت پروكۋراتۋرانىڭ قۇرىلىمىن ەلباسى بەكىتتى. بۇرىن بولماعان نارسە، قۇرىلىم كەڭەس وداعى كەزىنەن وزگەرمەي كەلە جاتقان ەدى»، - دەدى ول.

اۆتور: مارلان جيەمباي