استانادا جاسالعان جاساندى جۇرەك يمپلانتاتسياسىن ۋكراينا ماماندارى جوعارى باعالادى

ۋكراينانىڭ وسى سالاداعى مىقتى ماماندارى: «مۇنداي كۇردەلى وپەراتسيا جاساۋ قازاقستان مەديتسيناسىنىڭ قاۋقارىن كورسەتتى» دەپ مالىمدەدى.

 ەسكە سالا كەتەيىك، ۇلتتىق عىلىمي كارديوحيرۋرگيا ورتالىعى بازاسىندا يۋريي پيا باستاعان ماماندار 60 جاستاعى ابرايەۆ قۇنانبايعا جاساندى جۇرەك يمپلانتاتسياسى بويىنشا وپەراتسيا جاساپ، ءومىرىن ۇزارتقان ەدى. ناۋقاسقا ۇزاق جىلدار بويى دونور جەتىسپەي، زارداپ شەگىپ جۇرگەن.

ۆلاديمير جوۆنير، ۋكرايناداعى كارديولوگيا جانە كارديوحيرۋرگيا ورتالىعىنىڭ باس دارىگەرى:

- جاساندى جۇرەك يمپلانتاتسياسىن جاساۋدىڭ ءادىس- ءتاسىلىن شەبەر مەڭگەرگەن قازاقستاندىق ارىپتەستەرىمدى قۇتتىقتاعىم كەلەدى. بۇل -  ەلدەگى مەديتسينا سالاسىنىڭ جوعارعى كورسەتكىشى. استاناداعى ۇلتتىق كارديولوگيا ورتالىعى وسىنداي وتانىڭ ءتۇرىن جاساۋ ارقىلى سالانىڭ ءارى قاراي دامۋىنا سەبەپكەر بولادى. مەملەكەت ءوز ناۋقاستارىنا الەمدەگى ەڭ وزىق وپەراتسيانىڭ جاساۋىنا جول اشىپ وتىرعانى قۋانتادى.

 اندرەي ۆىسوتسكيي، رەانيماتولوگ:

- بۇل جاڭالىق البەتتە، وسى سالاداعى عىلىمنىڭ دامۋىنا ءسوزسىز اسەر ەتەدى. نەگىزى تولىعىمەن جاساندى جۇرەك جاساۋدىڭ وپەراتسياسى ەۋروپانىڭ دامىعان ەلدەرىندە جۇرگىزىلەدى. ويتكەنى مۇنداي وتا مەملەكەت ءۇشىن ارزانعا تۇسپەيدى. ەندى مىنە وتانىڭ قازاقستاندا جاسالعانى -  قىزىقتىرماي قويمايتىن فاكت. بۇل ارينە، مەديتسينانىڭ قاۋقارىن، ونىڭ ءبىر ورىندا تۇرماي، دامىپ كەلە جاتقانىن الەمگە تانىتتى. ەندى ەر ادامنىڭ وتادان كەيىنگى جاعدايىن باستى نازاردا ۇستاۋ كەرەك.

www.24.kz