16:48, 10 - جەلتوقسان 2017 | GMT +5
ازاماتتىق اۆياتسيا كوميتەتى الماتىداعى ۇشاق وقيعاسىنا تۇسىنىكتەمە بەردى
الماتى. قازاقپارات - قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى الماتىدا ۇشاقتىڭ جولاقتان شىعىپ كەتۋىنە بايلانىستى تۇسىنىكتەمە بەردى، دەپ حابارلايدى قازاقپارات ءتىلشىسى.
ەسكە سالا كەتەيىك، الماتى حالىقارالىق اۋەجايىندا «ەير استانا» كومپانياسىنىڭ الماتى-بانگكوك باعىتىنداعى ك س 931 رەيسى ۇشاعى ۇشۋ جولاعىنان شىعىپ كەتكەندىگى تۋرالى بۇعان دەيىن حابارلاعان بولاتىنبىز.
«الماتى- بانگكوك باعىتىنداعى «ەير استانا» رەيسىنىڭ ۇشاعى 1:47 دە ۇشۋ جولاعىنان شىعىپ كەتتى. اۋە لاينەرى قازىر انگارعا اپارىلدى. ق ر ينۆەستيتسيالار جانە دامۋ مينيسترلىگى قازىر اتالعان دەرەككە قاتىستى تەكسەرۋ جۇمىستارىن باستادى»، - دەپ حابارلادى كوميتەت فەيسبۋكتەگى رەسمي پاراقشاسىندا.
كوميتەتتىڭ حابارلاۋىنشا، 10- جەلتوقساندا نۇرسۇلتان نازاربايەۆ اتىنداعى استانا حالىقارالىق اۋەجايى قازىرگى اۋا رايى جاعدايىندا شتاتتىق رەجيمدە جۇمىس جاساپ وتىر. بىرنەشە رەيستەردىڭ كەشىگۋى اۋە كەمەلەرىن قاۋىپسىزدىك ماقساتىندا كوكتايعاققا قارسى وڭدەۋگە بايلانىستى بولدى.
