الەمدە جىلىنا قانشا پارا الىنادى؟
استانا. قازاقپارات - الەم بويىنشا جىل سايىنعى پارا كولەمى تريلليون دوللاردى قۇرايدى. وعان قوسا الەمدىك ەكونوميكا سىبايلاس جەمقورلىق ارەكەتتەرىنە بايلانىستى تاعى 2,6 تريلليون دوللاردى جوعالتادى.
بۇل تۋرالى ب ۇ ۇ جاڭالىقتار ورتالىعى حابارلايدى.
ب ۇ ۇ جەمقورلىق كەز-كەلگەن قوعامنىڭ الەۋمەتتىك-ەكونوميكالىق دامۋىن تەجەيتىن ۇلكەن قىلمىس ەكەنىن ەسكە سالادى. بىردە-ءبىر مەملەكەت، بىردە-ءبىر ايماق سىبايلاس جەمقورلىقتان ساقتاندىرىلماعان.
«Transparency International» ۇيىمىنىڭ مالىمەتىنشە، رەسەي، ۋكراينا جانە قازاقستان سىبايلاس جەمقورلىق يندەكسىمەن الەم بويىنشا 131-ورىندا تۇر.
بيىلعى جىلى ب ۇ ۇ- نىڭ ەسىرتكى جانە قىلمىس جونىندەگى باسقارماسى مەن ب ۇ ۇ د ب بىرلەسىپ سىبايلاس جەمقورلىقتىڭ ءبىلىم، دەنساۋلىق ساقتاۋ سالالارى، ادىلەتتىلىك پەن دەموكراتياعا قالاي ىقپال ەتەتىنىن ءتۇسىندىرۋدى كوزدەيتىن بىرلەسكەن جوبا ناۋقانىن جاساۋدا.
