دەپۋتات ءدامحانادا تارەلكەنى نە ءۇشىن جالاعانىن ءتۇسىندىردى

انتون گەراشەنكو تارەلكەنى جالاپ وتىرعان ۆيدەونى جۇرتشىلىققا ۋكراينا پرەزيدەنتى اكىمشىلىگى باسشىسىنىڭ بۇرىنعى ورىنباسارى اندرەي پورتنوۆ جاريالاعان بولاتىن.

دەپۋتات گەراشەنكونىڭ سوزىنە قاراعاندا، اتالعان ۆيدەو اعىمداعى جىلى قىركۇيەك ايىندا تۇسىرىلگەن بولاتىن. سول كەزدە جاپونيا ەلشىسىنىڭ ورىنباسارى ونى شىعىس مەيرامحاناسىنا شاقىرعان.

«ماعان ءبىر تاعام قاتتى ۇنادى. سونى جاپون ديپلوماتى دا بايقاپ قالدى. سوسىن ءبىر ءداستۇر تۋرالى ايتىپ بەردى. وعان سايكەس، اسپازشىعا ءوز ريزاشىلىعىڭدى كورسەتۋ ءۇشىن تارەلكەنى تاپ-تازا ەتىپ قايتارعان دۇرىس. بۇل ەرەكشە ءىلتيپاتتىڭ بەلگىسى ەكەن. جاپونيادا سولاي ىستەيدى. مەن دە وسى ءداستۇردى ورىنداعاندى ءجون كوردىم»، - دەپ جازدى گەراشەنكو فەيسبۋكتەگى ءوز پاراقشاسىنا.

وسى ورايدا ول ءدامدى ءارى پايدالى تاماق جايىندا، سونداي-اق الەم ەلدەرىنىڭ داستۇرلەرى تۋرالى كوبىرەك وقۋعا كەڭەس بەردى.