ءۇندىستاندا ايەل سۋ پەرىسىنە ۇقسايتىن ءسابيدى دۇنيەگە اكەلدى - فوتو

حابارلانعانداي، 23 جاستاعى ايەلدىڭ جۇكتىلىك كەزىندە دارىگەرگە قارالۋعا جاعدايى بولماعان ەكەن. ءسابيدىڭ دامۋىنداعى سيرەنومەليا نەمەسە سۋ پەرىسى سيندرومى اتالاتىن اۋىتقۋ تەك پەرزەنتحانادا انىقتالىپتى. ءسابي دۇنيەگە كەلگەننەن 4 ساعاتتان كەيىن شەتىنەپ كەتكەن.

«ءسابيدىڭ اتا- اناسى جۇمىسشىلار تابىنا جاتادى. تۇرمىستارى ناشار بولعاندىقتان، مەديتسينالىق قىزمەت كورسەتىلۋىنە اقشا تولەي الماعان» ، - دەيدى اۋرۋحانا دارىگەرى سۋديپ ساحا.

دارىگەردىڭ سوزىنشە، مۇنداي سيندروم اناسىنىڭ دۇرىس تاماقتانباۋىنان نەمەسە قان اينالىمىنىڭ بۇزىلۋىنان بولۋى مۇمكىن.

 سۋ پەرىسى سيندرومى 100 مىڭ ءسابيدىڭ بىرەۋىندە عانا كەزدەسەدى. ادەتتە ءسابيدىڭ بۇيرەگى مەن قۋىعى دۇرىس جەتىلمەگەندىكتەن، ءسابي تايلىككە جەتپەي شەتىنەپ كەتەدى ەكەن. الايدا اتالعان سيندروممەن تۋىلعان بالالاردىڭ بىرنەشە جىل ءومىر سۇرگەنى دە بەلگىلى. مىسالى، ا  قش- تاعى شايلو پەپين ەسىمدى قىز سۋ پەرىسى سيندرومىمەن تۋىلىپ، جىنىس مۇشەسى جانە ىشەكتىڭ ءبىر بولىگىنسىز 10 جاسقا دەيىن ءومىر سۇرگەن. ول 2009 -جىلى قايتىس بولعان.

Stan.kz