ءار كۇنىڭىز ءساتتى بولۋى ءۇشىن

 تاڭدى سۇيىكتى اۋەنىڭىزبەن قارسى الىڭىز. رەگگي - ەڭ جاقسى نۇسقا بولماق. بىردەن جۇزىڭىزگە كۇلكى ۇيىرەتىن ءان بولسىن. ويانا سالا كۇلىمسىرەڭىز. كۇلكى وتە ماڭىزدى. « ءومىر - عاجايىپ» دەپ ايتىڭىز، داۋىستاپ ايتساڭىز تىپتەن جاقسى. ەشقانداي عاجايىپتى بايقاماساڭىز دا، تۇندە كوڭىلسىز ۇيىقتاساڭىز دا وسىلاي ايتىڭىز. ناتيجەسىن كورەسىز.

 ۆيزۋاليزاتسياعا بەس مينۋت ۋاقىت ءبولىڭىز. ەڭ ۇلى ارماندارىڭىز ورىندالعانىن كوزگە ەلەستەتىڭىز. بەلگىلى ءبىر زات بولسىن، جاعداي، كەزدەسۋ، تانىستىق، توي.. . قيالدا شەك جوق، تەك دۇرىس ارمانداي ءبىلىڭىز. ونىڭ ءتۇسىن، دىبىسىن، ءيىسىن، ءتۇرىن تۇگەل ەلەستەتىڭىز. ۋادە بەرەمىز: بۇل ارمانىڭىز مىندەتتى تۇردە ورىندالادى.

 سالقىن دۋش قابىلداڭىز. جىلى سۋ مەن سالقىن سۋدى كەزەكتەستىرسەڭىز دە بولادى. بۇل اعزانى الدەندىرىپ، مول قۋات سىيلايدى. ءوزىڭىزدى جەڭىل سەزىنەتىندەي تاڭعى اس ءىشىڭىز. ىستىق كوفەنى سۇتپەن ىشسەڭىز دە بولادى. ءار ۇرتتاعان سايىن تەرەزەگە قاراپ، راحاتىن سەزىنىڭىز. جاتتىعۋ جاساڭىز. تەك اس ىشكەننەن كەيىن بىردەن كىرىسپەڭىز. از دەگەندە جارتى ساعات ءوتۋى كەرەك. تاڭعى اسقا دەيىن جاساپ الساڭىز ءتىپتى جاقسى. باستىسى تەرىگە جان كىرۋى كەرەك. سوندا ول ءسىزدىڭ كەز كەلگەن تاپسىرماڭىزدى ورىنداۋعا دايىن كەرەمەت ماشيناعا اينالعانداي بولادى.

جاڭا كۇندى كۇلىپ قارسى الۋعا اتتانىڭىز. ءار جاڭا كۇن - تاعدىردىڭ تەڭدەسسىز سىيلىعى. ونىڭ قانادي بولاتىنىن، قالاي وتەتىنىن ءسىز عانا شەشەسىز. كۇلىمسىرەۋدى ۇمىتپاڭىز، الەم كەرەمەت! بۇكىل الەم ءسىزدىڭ ىشىڭىزدە!

Massaget.kz