قاراعاندىدا وليمپيادا چەمپيوندارى تۋرالى فيلم ءتۇسىرىلدى
قاراعاندى. قازاقپارات - قاراعاندى وبلىستىق دەنە شىنىقتىرۋ جانە سپورت باسقارماسىنىڭ باسشىسى ناتاليا سۋحورۋكوۆا قازاقستاننىڭ وليمپيادا ويىندارىنا قاتىسقان جىلدارى التىن مەدال جەڭىپ العان قاراعاندىلىق وليمپياداشىلار تۋرالى فيلم ءتۇسىردى، دەپ حابارلايدى «قازاقپارات» ح ا ا ءتىلشىسى
«مەن 1972-جىلدان باستاپ وليمپيادا ويىندارىندا ءتۇرلى جىلدارى جەڭىسكە جەتكەن قاراعاندىلىقتاردىڭ جەتىستىگى تۋرالى بارلىق اقپاراتتار مەن سۋرەتتەردى جۇيەلەۋگە بەل بۋدىم. مەن ونى تاريح ءۇشىن، وسكەلەڭ ۇرپاق ءۇشىن جاسادىم. كىتاپقا قاراعاندى وبلىسىنىڭ 66 وليمپياداشىسى كىردى، ونىڭ التاۋى ك س ر و قۇراماسىنىڭ قۇرامىندا مەدالدار جەڭىپ العان»، - دەدى ن. سۋحورۋكوۆا.
«قاراعاندىلىق وليمپياداشىلار» اتتى فيلمدە وليمپيادا ويىندارىندا قازاقستاننىڭ نامىسىن ءارتۇرلى سپورت تۇرلەرىنەن قورعاپ جەڭىمپاز اتانعان سپورتشىلار تۋرالى باياندالادى.
كىتاپ پەن فيلم «رۋحاني جاڭعىرۋ» باعدارلاماسى جانە ۇلتتىق وليمپيادا كوميتەتىنىڭ 25 جىلدىعى اياسىندا جارىق كوردى.
تۋىندىنىڭ باس كەيىپكەرلەرى تانىستىرىلىمعا ارنايى كەلىپ، وسىنداي ءىلتيپاتقا العىستارىن ايتتى.
«التىن مەدالدار التىننان ەمەس، ەڭبەكتەن، جىگەرلىلىكتەن جانە جاۋاپكەرشىلىكتەن تۇرادى»، - دەدى قاراعاندى وبلىسىنىڭ اكىمى ەرلان قوشانوۆ فيلم مەن كىتاپتىڭ تانىستىرىلىمىندا.
بۇل كىتاپتى مەكتەپتەرگە، كوللەدجدەر مەن مامانداندىرىلعان سپورت مەكەمەلەرىندە تاراتۋ جوسپارلانۋدا.
