الماتىدا تۋريزمنەن قانشا تابىس تۇسەدى - فوتو
الماتى. قازاقپارات - الماتىنىڭ تۋريستىك الەۋەتىنىڭ ارقاسىندا قالا بيۋدجەتىنە قانشا قارجى ءتۇسىپ وتىر؟ بۇل سۇراققا قالاداعى قوعامدىق كەڭەس وتىرىسىندا جاۋاپ بەرىلدى، دەپ حابارلايدى قازاقپارات ءتىلشىسى.
كەڭەس مۇشەلەرى الدىندا قالالىق تۋريزم جانە سىرتقى بايلانىس باسقارماسىنىڭ باسشىسى ەرلان جايلاۋباي ەسەپ بەردى.
«تۋريزم سالاسى قالانىڭ جالپى ايماقتىق ونىمىنە 1,5 پايىز عانا ۇلەس قوسىپ وتىر. ەلىمىزدىڭ ج ءى ءو- دە تۋريزم سالاسى 1 پايىزدى الىپ وتىر. ال الەمدىك تاجىريبەدە تۋريزم ج ءى ءو- ءنىڭ 10 پايىزىن اكەلەدى. بىلتىر الەمدە 1,2 ميلليارد ادام ساياحاتتاعان. بۇل ساندارعا قاراساق، بىزگە ءالى دە كوپ جۇمىس جاساۋ كەرەكتىگى كورىنىپ تۇر. ۇيىمداسقان تۋريزم ۇلەسى - 20 پايىز. 2016 -جىلى قازاقستانعا 6 ميلليون شەتەلدىك كەلگەن. الماتىدا 400 مىڭ شەتەل ازاماتى بولسا، ولاردىڭ 56 مىڭى عانا تۋريست رەتىندە ساياحاتتاپ كەلگەن»، - دەدى ول.
ونىڭ ايتۋىنشا، الماتى قالاسىندا رەسەي، يران، قىتاي، ءۇندىستان ەلدەرىنەن تۋريست تارتۋدى قولعا الماق.
«ءبىز جۇرگىزگەن ساراپتاماعا سايكەس ساۋالناما الىنعان 20 مىڭ ادام الماتى قالاسىن جەكە تۋريستىك ورىن دەپ ەمەس، ورتالىق ازيانى تۇگەل قاراستىراتىنى بايقالدى. الەمدىك تۋريستىك ۇيىمىمەن بىرىگە وتىرىپ جىبەك جولى» باعدارلاماسىن جاساپ جاتىرمىز. تۋريستىك مارشرۋت الماتىدان باستالىپ، وزبەكستان، قىرعىزستان ەلدەرىنىڭ قالالارىن ارالاپ، الماتىعا قايتا ورالادى. باستى ماقسات - قىزمەت ساپاسىن جاقسارتۋ»، - دەدى ەرلان جايلاۋباي.
باسقارما باسشىسى الماتىنىڭ تۋريستىك ەرەكشەلىگىن دە اتاپ ءوتتى.
«الماتى - تازا ازيا نەمەسە ەۋروپا قالاسى ەمەس. ول كوسموپوليتتىك ايماقتىق سيمبيوزى، يۋنەسكو مۇرالارى بار، ۇلى جىبەك جولىندا ورنالاسقان ەرەكشە قالا. مۇندا 30 عا جۋىق ەلدىڭ اس ءمازىرى ۇسىنىلادى. مۇندا تاۋ تۋريزمى مەن مەديتسينالىق تۋريزمدى دامىتۋعا بار كۇشىمىزدى سالامىز»، - دەدى ە. جايلاۋباي.
ايتا كەتۋ كەرەك، بۇرىنىراق الماتىنى شەتەلگە تانىتۋعا قانشا قارجى بولىنگەنىن حابارلاعان بولاتىنبىز.
اۆتور: گۇلميرا عوسمانالي
