لاڭكەستەر ۇلى بريتانيا پرەمەرىنە شابۋىل جاساماق بولعان
استانا. قازاقپارات - ۇلى بريتانيانىڭ قاۋىپسىزدىك قىزمەتى بىرىككەن كورولدىكتىڭ پرەمەر- ءمينيسترى تەرەزا مەيدىڭ ومىرىنە قاستاندىق ۇيىمداستىرماقشى بولعان ەكى ازاماتتى ۇستادى، دەپ حابارلايدى تاسس.
بۇل جايلى 6 -جەلتوقسان كۇنى MI-5 بريتاندىق كونتربارلاۋ قىزمەتىنىڭ باسشىسى ەندريۋ پاركەرگە سىلتەمە جاساپ The Independent ءمالىم ەتكەن.
پاركەر الدى الىنعان شابۋىل جونىندە 4 -جەلتوقسان كۇنى مينيسترلەر كابينەتىنە بەرگەن بايانداماسىندا ايتقان. وتكەن اپتادا لوندون مەن بيرمينگەمدە لاڭكەستىككە قارسى رەيد بارىسىندا ەكى ازامات ۇستالىپ، ولارعا تەرروريزمگە قاتىستى ايىپتار تاعىلدى. كۇدىكتىلەر داۋنينگ-ستريتتە ورنالاسقان بريتان ۇكىمەتى باسشىسىنىڭ كەڭسەسىنىڭ كىرەبەرىسىنە جارىلعىش زاتتار ورناتىپ، كەيىن مەيگە پىشاقپەن شابۋىلداۋدى جوسپارلاعان. ۇستالعاندار 6 -جەلتوقسان كۇنى سوت الدىندا جاۋاپ بەرەتىن بولادى.
MI-5 باسشىسى سونداي-اق، مينيسترلەرگە اعىمداعى جىلى توعىز لاڭكەستىك شابۋىلدىڭ الدىن الۋعا مۇمكىن بولعانىن جەتكىزدى.
