ديماش ب. مومىش ۇلى اتىنداعى توسبەلگىمەن ماراپاتتالدى

بۇل تۋرالى قازاق ەستراداسىنداعى جاراسىمدى جۇپ ميراس پەن قۇرالاي وزدەرىنىڭ ينستاگرام پاراقشاسىندا حابارلادى. « ءسۇيىنشى، دوستار! بۇگىن استانادا قازاقستاننىڭ ارداگەرلەر قاۋىمداستىعى ديماش ۇلىمىزدىڭ ونەردەگى جەتىستىكتەرىن جوعارى باعالاپ، وتانىمىزدىڭ داڭقتى ۇلى، كسرو باتىرى باۋىرجان مومىش ۇلى اتىنداعى توسبەلگىسىن تابىستادى. داڭقتى باتىرداي شىنشىل، ەرجۇرەك، مەيىرىمدى بولىپ، جەڭىستى، جەمىستى جولدارمەن العا باسا بەرۋىڭە تىلەكتەسپىز، ديماشجان!!!"، -  دەپ جازدى ميراس پەن قۇرالاي.

ءبىز دە ءانشىنى بۇل ماراپاتىمەن قۇتتىقتاي وتىرىپ، شىعارماشىلىق تابىستار تىلەيمىز! ايتا كەتەيىك، ديماش كۇنى كەشە عانا «ىQIYI awards» ماراپاتىندا «جىلدىڭ ەڭ ۇزدىك ءانشىسى» اتاندى. بۇل ونىڭ قىتاي ەلىندەگى العان ونىنشى جۇلدەسى. سونىمەن بىرگە ول "Fashion night gala" ماراپاتتاۋ راسىمىندە «يننوۆاتسيا زامانىنىڭ ليدەرى» دەگەن اتاققا يە بولدى.

Massaget.kz