قازاقستاندا نەگە اۆيابيلەتتەر قىمباتتادى
استانا. قازاقپارات - اۋە كولىگى حالىقارالىق قاۋىمداستىعىنىڭ (International Air Transport Association, IATA) ورتالىق ازيا بويىنشا وڭىرلىك مەنەدجەرى دجوردان كارامالاكوۆ قازاقستاندا اۆيابيلەتتەر باعاسىنىڭ قىمباتتاۋىنىڭ نەگىزگى سەبەپتەرىن اتادى، دەپ حابارلايدى قازاقپارات.
«28- قاراشاداعى جاڭالىق. ماسكەۋ اۋەجايلارىندا كەروسين (اۆياتسيالىق جانارماي) تونناسىنىڭ باعاسى 43 مىڭ رۋبلگە دەيىن ءوسىپ كەتتى. بۇل ا ق ش ۆاليۋتاسىنا شاققاندا تونناسى 737 دوللار بولماق. جالپى، رەسەيدە كەروسين باعاسى ءوسىپ، ورتاشا ءار تونناسىنىڭ باعاسى 782 دوللارعا جەتتى. ال قازىرگى تاڭدا قازاقستاندا كەروسيننىڭ تونناسى 900 دوللارعا جەتىپ جىعىلدى. مۇنداعى ءبىر اۋەجايدا 15- قىركۇيەكتە باعا كوتەرىلدى، ەكىنشى ءبىر اۋەجايدا 28- قازاندا كوتەرىلدى جانە قوسىلعان سوما 20 پروتسەنتتەن جوعارى بولدى»، - دەدى دجوردان كارامالاكوۆ استانادا وتكەن باسپا ءسوز ءماسليحاتىندا.
«جانارماي باعاسى كوتەرىلدى. بىزدە دە (قازاقستاندا - رەد.) باعا سونشا پروتسەنتكە كوتەرىلدى. ياعني، ايىرما باعا ساقتالدى. سول عانا»، - دەدى ول ويىن جالعاپ.
ودان بولەك، بيىل تامىز ايىندا ق ر ۇلتتىق ەكونوميكا مينيسترلىگىنىڭ بۇيرىعى جاريالاندى. وعان سايكەس، اۋەجايلاردىڭ حالىقاراللىق رەيستەرىنە مەملەكەتتىك رەتتەۋ توقتاتىلدى. ءبىر سوزبەن ايتقاندا، قازاقستاندىق اۋەجايلار اۋەكومپانيالار كورسەتەتىن قىزمەتكە ءوز باعاسىن قويۋعا مۇمكىندىك الدى.
