عالىمدار ارتىق سالماقتىڭ ءولىم كورسەتكىشىنە اسەرىن انىقتادى

زەرتتەۋ ناتيجەسى EurekAlert پورتالىنا جاريالاندى، دەپ حابارلايدى  baq.kz اقپارات اگەنتتىگى ria.ru عا سىلتەمە جاساپ.

ۋنيۆەرسيتەت عالىمدارى جوعارى جانە تومەن دەنە ماسساسى يندەكسىنىڭ (دمي) ادام اعزاسىنا اسەر ەتۋىنە تالداۋ جاسادى. زەرتتەۋگە 60 بالا مەن اتا- انا قاتىستى.

ماماندار پاتسيەنتتەردىڭ دەنە ماسساسى، فيزيكالىق جاي- كۇيى جانە وتباسىلارىنداعى ءولىم- جەتىم سانى اراسىنداعى ءوزارا بايلانىستى قاراستىردى.

بريستولدىك عالىمدار نورۆەگيالىق جاراتىلىستانۋ جانە تەحنيكالىق عىلىمدار ۋنيۆەرسيتەتىمەن بىرلەسىپ، اتا- انالارىنىڭ ءولىم- ءجىتىم كورسەتكىشى جانە ولاردىڭ دەنە ماسساسى مەن بالالارىنىڭ دەنە ماسساسى اراسىندا قانداي بايلانىس بولۋى مۇمكىن ەكەنىن زەرتتەدى. ناتيجەسى ارتىق سالماق، بۇعان دەيىن ەسەپتەلىپ كەلگەنگە قاراعاندا، ءولىم قاۋپىن جوعارىلاتىنىن كورسەتتى.

وسى كەزگە دەيىنگى عىلىمي دالەلدەر ارتىق سالماق پەن ءولىم دەڭگەيى اراسىنداعى «تازا» بايلانىستى انىقتاي الماي كەلدى. سەبەبى، عالىمداردىڭ قورىتىندىسىنا ادامنىڭ باسقا اۋرۋلارى قاتتى اسەر ەتىپ كەلدى.

اتالعان عىلىمي ەڭبەك اتا- انالار مەن بالالارىنىڭ دمي گەنەتيكالىق بايلانىس بار دەگەندى قورىتىندىلاپ وتىر. ءبىراق اتا- انالارىنىڭ اۋرۋلارى بالانىڭ دەنساۋلىعىنا قاتىستى باسقا كورسەتكىشتەرىنە اسەر ەتپەيدى. بالالاردىڭ دمي جانە اتا- انالارىنىڭ ءولىم دەڭگەيىنىڭ ەسەبىن الىپ، عىلىمي زەرتتەۋ ورتالىعىنىڭ قىزمەتكەرلەرى سەمىزدىك پەن ءولىم  قاۋپىنىڭ تىكەلەي اسەرىن انىقتاي الدى.

بۇل زەرتتەۋ ارتىق سالماق ادام ولىمىنە نە دەنساۋلىعىنا قاتتى اسەر ەتپەيدى دەگەندى جوققا شىعارادى.

«بۇعان دەيىنگى زەرتتەۋلەر ارتىق سالماق ادام ولىمىنە قاتتى اسەر ەتپەيدى دەگەندى ايتىپ كەلدى. ال ءبىزدىڭ قورىتىندىلارىمىز دمي 18,5 تەن 25 كە دەيىن بولۋىن ساقتاۋعا كەڭەس بەرەدى. ويتكەنى ارتىق سالماق ادامنىڭ ءولىم- ءجىتىم دەڭگەيىنىڭ وسۋىنە تىكەلەي اسەر ەتەدى» ، - دەدى زەرتتەۋ اۆتورلارىنىڭ ءبىرى دوكتور دەۆيد كلارك.