14:19, 04 - جەلتوقسان 2017 | GMT +5
قىمبات كولىك ساتىپ العان قازاقستاندىق شەنەۋنىكتەر جاپپاي جازالاندى
استانا. قازاقپارات - قازاقستان پرەمەر-ءمينيسترى باقىتجان ساعىنتايەۆ قىمبات شەتەلدىك كولىكتەردى ساتىپ العان مەملەكەتتىك ورگانداردىڭ لاۋازىمدى تۇلعالارىنا شارا قولدانىلعانىن ايتتى دەپ حابارلايدى Tengrinews.kz.
ۇكىمەت باسشىسى وسىعان دەيىن بارلىق ورتالىق جانە جەرگىلىكتى اتقارۋشى ورگاندار مەن ولاردىڭ ۆەدومستوۆوارالىق ۇيىمدارىنا ەسكەرتۋ جاسالىپ، قىمبات كولىك ساتىپ العاندا تالاپتاردى ورىنداۋى قاجەتتىگى جايلى ايتقان بولاتىن.
«ءبىراق وسى تاپسىرمالار ورىندالماعان جاعدايلار بولدى. وسىعان بايلانىستى شەتەلدەن اكەلىنگەن قىمبات كولىكتەردى ساتىپ العان جاۋاپتى لاۋازىمدى تۇلعالارعا قاتىستى قولدانىلعان شارالاردى قارجى مينيسترلىگىنىڭ وكىلدەرى ايتاتىن بولادى»، - دەدى ساعىنتايەۆ.
