سينوپتيكتەر: جەلتوقساندا كۇن جىلى بولادى

الدىن الا بولجام بويىنشا ايدىڭ العاشقى ون كۇندىگىندە اۋا اعىمدارىنىڭ ىقپالى بولادى. ونىڭ سالدارىنان ەلىمىزدىڭ بارلىق ايماقتارىندا اۋا رايى جاۋىن-شاشىنسىز بولىپ، تۇندە جانە تاڭەرتەن تۇمان ءتۇسۋى ىقتيمال. اۋا تەمپەراتۋراسى باتىستا تۇندە 2-12 گرادۋس سۋىق، كۇندىز 2-3 گرادۋس جىلى بولادى.

ال، سولتۇستىك، ورتالىق جانە شىعىستا اۋا تەمپەراتۋراسى تۇندە 10-20 گرادۋسقا، كۇندىز 2-10 گرادۋسقا دەيىن تومەندەيدى.

تەك ەلىمىزدىڭ وڭتۇستىك بولىگىنە ايدىڭ باسىندا تسيكلون ىقپال ەتىپ، جاۋىن شاشىن بولجانادى. اۋا تەمپەراتۋراسى ون كۇندىك بويى تۇندە 5-15 گرادۋسقا، كۇندىز 0-5 گرادۋس شاماسىندا بولىپ، كەي جەرلەردى كۇننىڭ جىلىنۋى بايقالۋى مۇمكىن.

ۇزاق مەرزىمگە بولجام بويىنشا، ەكىنشى ون كۇندىكتىڭ باسىندا جانە سوڭىندا، سونداي-اق ءۇشىنشى ون كۇندىكتىڭ سوڭىندا ءۇش سالقىن تولقىندار بولۋى ىقتيمال. اركتيكالىق تەڭىزدەن ەنەتىن سۋىق اۋا اعىمدارىنىڭ سالدارىنان ەلىمىزدىڭ سولتۇستىك-شىعىس بولىگىندە ەكىنشى ون كۇندىكتە كۇن سۋىتىپ تۇندە اۋا تەمپەراتۋراسى 25-35 گرادۋسقا، كۇندىز 15...20 ايازعا دەيىن تومەندەيدى.

جەلتوقسان ايىندا ورتاشا ايلىق تەمپەراتۋراسى كليماتتىق ماندەرگە جاقىن بولادى، تەك ماڭعىستاۋ،  قىزىلوردا جانە وڭتۇستىك قازاقستان وبلىستارىندا مولشەردەن تومەن بولماق.