رەسەيدىڭ ورىنبور وبلىسىندا توتەنشە جاعداي رەجىمى جاريالاندى

«2 -جەلتوقساننان باستاپ ورىنبور وبلىسى گۋبەرناتورىنىڭ جارلىعىنا سايكەس وڭىردە توتەنشە جاعداي جاريالاندى» دەلىنگەن ر ف ت ج م قالالىق باسقارماسى تاراتقان حابارلامادا.

مالىمەتكە سايكەس، 2 -جەلتوقسان كۇنى نوۆوترويتسكتە مولودەجنوي كوشەسىندەگى بەس قاباتتى ءۇيدىڭ 4-قاباتىندا گاز جارىلۋ وقيعاسى بولعان. قازىر ۇيگە گاز بەرىلۋ توقتاتىلعان.

ال كۇندىز ورىنبوردا جەڭىس داڭعىلىنداعى ءبىر قاباتتى «مەگا مير» ساۋدا ءۇيىنىڭ شاتىرى وتقا ورانعان. ءتىلسىز جاۋ 1,5 مىڭ شارشى مەتر اۋماقتى شارپىعان. 300 شارشى مەتردەي شاتىر وپىرىلىپ تۇسكەن. جاپا شەككەندەر جوق. عيماراتتان 40-تاي ادام قاۋىپسىز جەرگە شىعارىلدى.