ەلباسى قازاقستاندىق جاس كومپوزيتورعا: ەندى سەنى تىڭدايتىن بولامىن
ەسكە سالايىق، كەشە مەملەكەت باسشىسى استانادا «قازاقستاننىڭ 100 جاڭا ەسىمى» جوباسىنا ىرىكتەلگەن 102 جەڭىمپازبەن كەزدەستى. ونىڭ بارىسىندا قازاقستاندىق جاس كومپوزيتور راحات- بي ءابدىساعين ءوزىن تانىستىردى. جاس ورەننىڭ ايتۋىنشا، ول 13 جاسىندا - ستۋدەنت، 17 جاسىندا ماگيسترانت اتانعان.
«قۇرمەتتى نۇرسۇلتان ءابىش ۇلى! مەن كومپوزيتور ءارى پيانينوشىمىن. ونەر عىلىمدارىنىڭ ماگيسترىمىن. 13 جاسىمدا - ستۋدەنت، 17 جاسىمدا ماگيسترانت اتاندىم. جاقىندا عانا ريمنەن كەلدىم. ول جاقتا دوكتورانتۋراعا ءتۇستىم. ريمدەگى اكادەميا 16-عاسىردا اشىلعان. فينالدىق كەزەڭگە 14 ادام كەلىپ، 5 ادام عانا وقۋعا تۇستىك. ەڭ باستىسى - سول اكادەمياعا تۇسكەن ەڭ جاس ءارى تۇڭعىش قازاقستاندىق بولدىم»، - دەدى راحات- بي ءابدىساعين.
جاس كومپوزيتور 13 جاسىندا شىعارعان تۋىندىسىن كوپشىلىك الدىندا ويناپ بەردى. ەلباسى ءوز كەزەگىندە جاس ورەنگە باق تىلەدى.
«مەن ۇيىقتار الدىندا موتسارتتى تىڭدايمىن. ماعان ونىڭ اۋەندەرى ۇنايدى. ادامدى تىنىشتاندىرادى. مەنىڭ ويىمشا، وعان ءبىر عارىشتىق رۋح ەنگەن سەكىلدى. مۇنداي اۋەن جايدان- جاي تۋا سالمايدى عوي... سولاي ما؟ سەنىڭ اۋەنىڭ دە سونداي. ەندى سەنى تىڭدايتىن بولامىن»، - دەپ اتاپ ءوتتى نۇرسۇلتان نازاربايەۆ.
اۆتور: ايان بەكەن ۇلى
