مارسقا جاڭا قۇرىلعى جەتكىزىلەدى
استانا. قازاقپارات - NASA ماماندارى مارس عالامشارىن زەرتتەۋ ءۇشىن جاڭا قۇرىلعى جاساپ جاتىر. ول قىزىل پلانەتاعا 2020 -جىلى ۇشىرىلىپ، تىرشىلىك كوزدەرىن ىزدەيدى.
عارىش اگەنتتىگى وكىلدەرىنىڭ ايتۋىنشا، جاڭا قۇرىلعى بۇرىنعى «كيۋريوسيتي» دەپ اتالعان اپپاراتقا ۇقساس، ءبىراق ءبىرشاما جەتىلدىرىلگەن.
جاڭا عارىش قۇرىلعىسىنىڭ ىشىنە 7 جاڭا قۇرال ورناتىلعان. مىسالى مارستىڭ جەر قىرتىسىن بۇعىلاپ تەسىپ، ۇلگىسىن الاتىن اۆتوماتتى قول بار. ءبىراق ول تاۋ جىنىسىن وزىمەن بىرگە الىپ جۇرە المايدى. ونىڭ ماقساتى - تەك قىزىل عالامشاردا تىرشىلىكتىڭ بار- جوعىن زەرتتەۋ. جاڭا قۇرىلعى مارستا ءبىر جىلعا جۋىق ۋاقىت بولادى دەپ جوسپارلانىپ وتىر.
