چيليدەگى سۇر مۇزدىقتان ءىرى كەسەك مۇز ءبولىنىپ شىقتى
استانا. قازاقپارات - چيليدىڭ وڭتۇستىگىندەگى «توررەس- دەل- پاينە» ۇلتتىق ساياباعىنداعى سۇر مۇزدىقتان ءىرى مۇز كەسەگى ءبولىنىپ ءتۇستى. تابيعي قورىق وكىلدەرىنىڭ ايتۋىنشا، ونىڭ كولەمى 400 مەترگە جەتىپ قالادى.
قازىر الىپ مۇز مۇيىستە قالقىپ ءجۇر. ەكولوگتار: «مۇزدىقتان ءىرى كولەمدەگى مۇزدىڭ ءبولىنۋى سيرەك كەزدەسەدى»، - دەيدى.
سوڭعى رەت مۇنداي قۇبىلىس 1990 -جىلى تىركەلگەن. ال «توررەس- دەل- پاينە» ۇلتتىق ساياباعى - چيليدەگى ەڭ تانىمال تۋريستىك ورىنداردىڭ ءبىرى. مۇندا جىل سايىن 100 مىڭنان اسا ساياحاتشى كەلەدى.
ميكاەل اركوس، «توررەس- دەل- پاينە» ۇلتتىق ساياباعىنىڭ قىزمەتكەرى:
- سوڭعى ۋاقىتتا سۇر مۇزدىقتىڭ ەرۋى تەز ءجۇرىپ جاتىر. مەنىڭ ويىمشا، بۇل جەر شارىمىزداعى كليماتتىڭ وزگەرۋىمەن بايلانىستى.
