تۇڭعىش پرەزيدەنت كۇنىنە وراي استانادا وتەتىن مەرەكەلىك شارالار باعدارلاماسى

اكىمدىك الدىنداعى قالالىق الاڭدا ەلوردا تۇرعىندارى مەن قوناقتارىنىڭ نازارىنا بەلگىلى قازاقستاندىق ارتىستەر ونەر كورسەتەتىن تەگىن كونسەرت ۇسىنىلادى. مەرەكەلىك كونسەرتكە دوسىمجان تاڭاتاروۆ، مارجان اراپبايەۆا، دوس، اعايىندى جۇگىنىسوۆتەر، «رەنزو» توبى، «الامان» تريوسى، استانا قالاسىنىڭ مەملەكەتتىك اكادەميالىق فيلارمونياسىنىڭ ارتىستەرى جانە ت. ب. قاتىسادى.

قالالىق كىتاپحانالاردا «ەلباسى - ەل تىرەگى»، «ليدەر ي مويا رەسپۋبليكا»، «ەل جۇرەگى - استانا»، «استانا - سيمۆول نەزاۆيسيموگو كازاحستانا» جانە باسقا دا كورمەلەر وتەدى. 30 -قاراشا مەن 30 -جەلتوقسان ارالىعىندا تاۋەلسىزدىك سارايىندا قازاقستان رەسپۋبليكاسىنىڭ تۇڭعىش پرەزيدەنتىنە ارنالعان فوتوكورمە اشىلادى.

1 -جەلتوقساندا ساعات 19:00-دە «استانا» كونسەرت زالىندا «ەلىمنىڭ جۇرەگى - استانا» اتتى پاتريوتتىق اندەردىڭ ەسترادالىق كونسەرتى وتەدى. ساحنا تورىندە مايرا ءىلياسوۆا، باعدات سامەدينوۆا، التىناي جورابايەۆا، ەستاي مۇقاشەۆ، جەڭىس ىسقاقوۆا، «شالقىما» حالىق ءبيى انسامبلى جانە باسقالارى ونەر كورسەتەدى.

استانانىڭ تەاترلارى مەرەكەنىڭ قۇرمەتىنە ءوز كورەرمەندەرىنە ارناپ سپەكتاكلدەردىڭ پرەمەرالىق كورسەتىلىمدەرىن دايىندادى. ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا جەلتوقساننىڭ 1 ى مەن 3 ىارالىعىندا ساعات 18:30-دا «ءشامشى» اتتى مۋزىكالىق سپەكتاكلدىڭ تۇساۋكەسەرى وتەدى. م. گوركي اتىنداعى مەملەكەتتىك اكادەميالىق ورىس دراما تەاترىندا 1 -جەلتوقسان كۇنى ساعات 19:00-دە «الپامىس» اتتى قازاق ەپوسىنىڭ جەلىسى بويىنشا قويىلعان ب. پارمانوۆتىڭ «امانات» سپەكتاكلى كورەرمەنگە جول تارتپاق. سونىمەن قاتار، 1 -جەلتوقسان كۇنى ساعات 12:00-دە استانا قالاسىنىڭ قۋىرشاق تەاترىندا مەرەكەگە وراي «كورول ليەۆ» سپەكتاكلى كورسەتىلەدى.

مەرەكە اياسىندا العاش رەت 3D Mapping Show ۇيىمداستىرىلادى. بۇل - بەيبىتشىلىك جانە كەلىسىم سارايى عيماراتىندا 360 گرادۋستا كورسەتۋ فورماتىندا ۇسىنىلاتىن جارىق جانە لازەرلىك ينستاللياتسيالار. وسىلايشا، عيماراتتىڭ قاسبەتىندەگى بەينەكونتەنتتى كوپشىلىك بارلىق قىرىنان كورە الادى. شوۋدى 1-3 -جەلتوقسان ارالىعىندا تاماشالاۋعا بولادى. باستالۋى - ساعات 20:00.