قارا جۇمىسشىدان ميلليونەرگە دەيىن: ۆاينەر جەكا تابىسقا قالاي جەتتى؟
استانا. قازاقپارات - Zheka Fatbelly كەزىندە قارا جۇمىسشى ال، Ratbek پيتستسا تاسۋشى بولعان دەسەم سەنىڭكىرەمەۋىڭىز مۇمكىن.
بۇگىندە ءبىر- ءبىر بيزنەستىڭ قۇلاعىن ۇستاپ، كينووندىرىسكە دە قادام باسقان ۆاينەرلەر، راسىندا دا بۇرىن 40 مىڭ تەڭگە جالاقىعا ءومىر سۇرگەن.
بۇل تۋرالى ن ت ك ارناسىنىڭ «ريەۆيۋ» باعدارلاماسىندا ايتىلدى.
40 مىڭ تەڭگە ايلىق - ناعيمۋشانىڭ ۇستازدىق ەتكەندەگى تابىسى. ول اعىلشىن تىلىنەن مەكتەپتە ساباق بەرگەن. بۇگىندە، كىرىسى الدەقايدا ۇلعايعانىن ايتادى. تانىمالدىلىق ونىڭ كينووندىرىسكە جولىن اشىپ، بىرنەشە كومەديانىڭ ءرولىن دە بۇيىرتقان.
«جاقسى تابىس، بارلىق جەردە تانيدى. قايدا بارعىڭ كەلسە، سوندا جولىڭدى اشۋعا بولادى. ساياسات بولسا، ءبىراق ماعان ول كەرەك ەمەس... مودەلدىك بيزنەس بولسا كەتىپ قالۋعا بولادى. مەن ءوزىم ءۇشىن كينونى اشتىم»، - دەيدى ۆاينەر ناعيما احمەتوۆا.
ناعيمۋشامەن بىرگە كينوالەمىنە قادام باسقان راتبەك بايەنوۆ تە، كەزىندە ارلانباي- اق ءتۇرلى ىسپەن ەڭبەكتەنىپ نانىن تاپقان.
«پيتستسا تاسىپ ءجۇردىم. ول كەزدە وسىلاي سۇحبات بەرىپ تۇرامىن دەپ ويلاماپپىن. ول كەزدە ايىنا 90 مىڭداي تاباتىنمىن»، - دەيدى ۆاينەر راتبەك بايەنوۆ.
«قاراپايىم قازاقتىڭ بالاسى بولدىم، بار مۇمكىنشىلىگىم بويىنشا تىرشىلىك ىستەدىم. جۇمىس ىستەدىم»، - دەيدى ۆاينەر جەڭىس وماروۆ.
اۋقاتتى جانۇيادا تۋىلماسا دا، Zheka Fatbelly قازىر مەيرامحانالار جەلىسىنىڭ يەسى. مۇنداي جەتىستىككە ونى ۆايندارى جەتكىزگەن.
«يۋفرەيمدىك» ارتۋر اسقار ۇلىنىڭ اكەسى ساياساتكەر، اناسى بەلگىلى تەلەجۇرگىزۋشى گۇلميرا دايرابايەۆا. سوندىقتان، وعان جۇمىس ىستەپ كۇنەلتەتىندەي مۇقتاجدىق بولماعان. دەگەنمەن، مەكتەپ جاسىنان ۆاينەرلىكتى باستاپ، بۇگىندە، بىرنەشە بيزنەستى شىر اينالدىرىپ، تابىستى كاسىپكەر اتانىپ ۇلگەردى.
«بۇگىندە ماركەتينگ ماماندىعى بويىنشا ءبىلىم الىپ جاتىرمىن. بيزنەس پەن ماركەتينگ ەگىز ۇعىم. سوندىقتان، بولاشاعىما اسا قاجەت ماماندىق»، - دەيدى ارتۋر اسقار ۇلى.
بلوگەرلەر ءبىراۋىزدان ۆاين ءتۇسىرىپ ءجۇرىپ- اق، باقۋاتتى بولۋعا ابدەن بولاتىنىن راستايدى.
