ماسكەۋدە جىلۋ قۇبىرىندا ءىرى اپات بولدى
استانا. قازاقپارات - رەسەي استاناسىندا 2 مىڭنان استام تۇرعىن ءۇي جىلۋ قۇبىرىنداعى اپات سالدارىنان جىلۋ مەن ىستىق سۋدان اجىراتىلدى.
ولاردى رەزەرۆ جۇيەگە قوسۋ جۇرگىزىلىپ جاتىر، دەپ حابارلايدى تاسس اگەنتتىگى.
«اپاتتان سوڭ 2 مىڭنان استام تۇرعىن ءۇي جىلۋ جانە ىستىق سۋسىز قالدى. كوممۋنالدىق قىزمەت ماماندارى ولاردى جىلۋمەن قامتاماسىز ەتۋدىڭ رەزەرۆتىك جۇيەسىنە اۋىستىردى، ۇيلەردى قوسۋ بىرتىندەپ جۇرگىزىلۋدە»، - دەپ ءتۇسىندىردى اگەنتتىككە مالىمەت بەرۋشى.
يزمايلوۆو اۋدانىنداعى ۇيلەر جىلۋسىز قالعان. «سيرەنيەۆوي بۋلۆارى جانە ءۇشىنشى ساياباق كوشەسىندەگى پاتەرلەردە جىلۋ جوق. جىلۋ باتەرەيالارى سۋىق» - دەدى تۇرعىنداردىڭ ءبىرى. گوليانوۆو اۋدانىنىڭ تۇرعىندارى ىستىق سۋمەن جىلۋددىڭ جوقتىعىن ايتىپ شاعىمدانىپ وتىر.
سارسەنبى كەشكە ماسكەۋ قالاسىنىڭ شىعىسىنداعى يركۋتسكايا كوشەسىندە ديامەترى 800 م م جىلۋ قۇبىرى جارىلعان. جوعارى قىسىمدى ىستىق سۋ بەرىلەتىن قۇبىر اپاتىنان ادامدار زارداپ شەگىپ، كۇيىپ قالعان.
